LUGO .- Adega presentou no xulgado de instrución de Lugo unha denuncia contra Ramón Álvarez-Cascos, familiar do ex ministro do PP, representante legal de Acuinor, por un posíbel delito ou falta de ameazas e coaccións a raíz de que a presidenta de Adega en Lugo, Montse Lombradía, recibirá no seu móbil unha mensaxe co texto “se os acabó el chollo”. Montse Lombardía foi unha das activistas de Adega “denunciadas penalmente por Acuinor por terlle parado en 2005 as obras dunha piscifatoría en Rinlo”
Nota de Prensa
ADEGA DENUNCIA PRESUNTAS AMEAZAS E COACCIÓNS POR PARTE DE RAMÓN ÁLVAREZ-CASCOS
Compostela, 30 de marzo de 2009. ADEGA vén de presentar ante o xulgado de instrucción de Lugo unha denuncia contra Ramón Álvarez Cascos, representante legal de ACUINOR, por un posíbel delicto ou falta de ameazas e coaccións. O denunciado enviou unha mensaxe dende o seu teléfone móbil á Presidenta de ADEGA-Lugo, Montse Lombardía, nos seguintes termos: “Se os acabó el chollo”. Esta mensaxe foi enviada a tarde eleitoral do 1 de marzo, cando os resultados confirmaban xa a recuperación da maioría absoluta polo Partido Popular.
A persoa receptora deste preocupante SMS foi unha das activistas de ADEGA denunciadas penalmente por ACUINOR por terlle parado en 2005 as obras dunha piscifatoría en Rinlo (Ribadeo) que a empresa construía dentro da Rede Natura 2000. Os compañeiros e compañeiras daquela denunciados por ACUINOR, foron posteriormente absoltos pola Audiencia Provincial de Lugo.
Para ADEGA, o envío da mensaxe “Se os acabó el chollo”, xusto no momento en que as eleccións estaban resoltas e con litixios xudiciais aínda abertos entre ADEGA e ACUINOR, ten unha clara intención intimidatoria. Recordemos que ADEGA conqueriu a paralización cautelar xudicial en 2006 das obras da piscifatoría que ACUINOR realizaba en Rinlo (Ribadeo) dentro do LIC As Catedrais, por atentar contra hábitats prioritarios. Dende entón, comezou unha batalla en distintas instancias xudiciais que até o momento saldouse sempre a favor de ADEGA: coa paralización cautelar das obras polo Tribunal Superior de Xustiza, a absolución pola Audiencia Provincial de Lugo de 12 membros de ADEGA dos cargos de coacción, e a desestimación da demanda de indemnización de 30.000 € interposta por ACUINOR contra ADEGA no xulgado de 1ª Instancia nº4 de Compostela.
E aínda están pendentes de resolución os recursos xudiciais interpostos por ADEGA contra o acordo do Consello da Xunta (na súa última reunión, co goberno de Fraga en funcións) que aprobaba o Proxecto Sectorial da piscifatoría de Rinlo (e o de Touriñán), contra a resolución da Dirección Xeral de Calidade e Avaliación Ambiental (PP) que aprobaba a Declaración de Impacto Ambiental do proxecto de ACUINOR, e contra o outorgamento de licenza de obras e de actividade polo concello de Ribadeo.
Así as cousas, en opinión de ADEGA co envío da mensaxe “Se os acabó el chollo”, o Sr. Álvarez Cascos puido pretender xerar un sentimento de medo na persoa destinataria e en ADEGA, e limitar as súas actuacións en defensa do Medio Ambiente, en concreto do LIC As catedrais, incluído na Rede Natura galega e dos hábitats e especies protexidos que alí existen.
Pero tamén pode dar a entender que logo da vitoria eleitoral e da volta ao goberno da Xunta do PP, comeza unha “nova era” na que ACUINOR presuntamente gozaría de vantaxes administrativas e xudiciais na súa batalla contra ADEGA, e que a nosa organización vaia ser denostada polo Executivo “popular”.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
