ACTO DE PRECAMPAÑA: No balance da lexislatura que levaron a cabo esta mañá Raquel Arias e José Manuel Balseiro en Ribadeo
O PP destaca os preto de 300 millóns de euros que o Goberno de Núñez Feijóo investiu na Mariña nunha lexislatura que cualifican de histórica
• As residencias e servizos sociais, as vivendas de protección pública, o investimento nos servizos chamados a garantir a vida e integridade física dos profesionais do mar son mostras dun goberno preocupado polas necesidades dos cidadáns
• A solvencia, o control do déficit público, a blindaxe nos Servizos Sociais e do reequilibrio territorial definen a lexislatura de Alberto Núñez Feijóo nesta comarca
Ribadeo, 22 de setembro de 2012.- A cabeza de lista dos populares lucenses, Raquel Arias e o coordinador da campaña electoral en Lugo e número 3 na candidatura ás eleccións autonómicas, José Manuel Balseiro fixeron, esta mañá, en Ribadeo, un balance da lexislatura de Alberto Núñez Feijóo na comarca da Mariña.
Acompañados por integrantes da lista electoral popular ao 21-O e de outros dirixentes mariñáns, Balseiro e Arias destacaron os preto de 300 millóns de euros que o Goberno de Núñez Feijóo investiu na Mariña, cifra que cualificaron como “histórica” xa que “nunca un Goberno ten investido tanto nesta comarca”.
“Malia a ter que xestionar a crise máis grande dos últimos 80 anos, pasando dun orzamento de 12.000M€ a menos de 8.500M€, o Goberno de Núñez Feijóo non se esqueceu da Mariña e priorizou nela o esforzo inversor da Xunta achegando ata 295M€”. Explicaron os populares, que concretamente, só neste ano 2012, o Goberno galego, leva investidos 35.7 millóns de euros reais nesta comarca”.
Balseiro e Arias afirmaron que o Goberno da Xunta de Galicia investiu en tódalas áreas e en tódolos concellos, independentemente da súa cor política, “a diferenza do comportamento do anterior bipartito”.
COMPROMISO SOCIAL
“O compromiso social foi clave para preservar os dereitos adquiridos en época de bonanza” e “este Goberno non só o mantivo senón que incrementou considerablemente”.
“No mantemento do sistema de benestar investíronse máis de 12.65 M€, poñéndose en marcha novas escolas infantís en Burela, Ribadeo, Alfoz, Foz e O Valadouro, o que deu lugar a 220 prazas máis. Tamén tivo presente o Goberno de Núñez Feijóo as Residencias e Centro de Día de Cervo e Viveiro: para a primeira concedeu unha subvención de 400.000E e para a segunda destinou 8.8 M€, para o seu mantemento, o que implica 180 prazas novas”- afirmaron os populares
Resaltaron Raquel Arias e José Manuel Balseiro as vivendas de protección pública na Mariña, como as vivendas de promoción pública entregadas en Ribadeo e Barreiros. Destacaron tamén os populares a rehabilitación de 80 vivendas de promoción pública no Concello ribadeirense, cun importe de máis de 200.000M€ e as 15 vivendas de promoción pública entregadas no Concello de Cervo, “máis de 200 nestes últimos catro anos que triplican as do bipartito”
No ámbito marítimo salientaron os populares o investimento da Consellería do Medio Rural e Mar na mellora dos servizos chamados a garantir a vida e integridade física dos profesionais do mar. Falaron Arias e Balseiro do helicóptero Pesca 2 que recibiu 15 millóns de euros ao obxecto de dobrar a súa tripulación de voo, e garantir deste xeito a súa plena operatividade as 24 horas do día e os 365 días do ano, coas correspondentes melloras na súa base loxística situada en Celeiro.
Destacaron tamén os populares a apertura dos parques de bombeiros en Viveiro e Barreiros, que supuxeron correxir unha deficiencia histórica en materia de emerxencias e a mellora do Xuzgado de Viveiro, ademáis dos investimentos do Fondo de compensación ambiental que permitiu a mellora de espazos.
Concluíron o balance falando de educacion, onde destacaron as diversas obras en mellora de centros educativos, coma Ribadeo, e a dotación de varios centros plurilingües na comarca do proxecto abalar que inclúe unha aposta para o uso das novas tecnoloxías por parte dos estudiantes.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
