Concepción Burgo lamenta o “novo teatro” e a “irresponsabilidade” do Goberno de Feijóo con Alcoa
-“Feijóo negouse a comparecer para explicar un tema vital para Galicia, e co que lle gustan as cámaras iso é o mismo que dicir que non fixo nada”, afirma a candidata socialista por Lugo. O senador Ricardo Varela calificou a visita do ministro Soria a San Cibrao de “engano e tomadura de pelo”
– Burgo e Varela analizaron “os presupostos do castigo e o abandono absoluto de Lugo” e as cifras “desoladoras” para piares fundamentais da provincia, que a deixan “sen futuro”
A candidata do PSdeG-PSOE por Lugo, Concepción Burgo, e o senador Ricardo Varela analizaron hoxe en Lugo os presupostos do Goberno para 2013, “os do castigo e abandono á provincia de Lugo”, e lamentaron o “novo teatro” do gobernó de Feijóo, desta vez co problema de Alcoa, despois de que esta mañá o ministro Soria chegase a Lugo sen solucións concretas e o PP votase en contra da comparecencia de Feijóo na deputación permanente para tratar este asunto. “Feijóo negouse a comparecer para tratar un tema vital para Lugo e para Galicia, e co que lle gustan a el as cámaras, que se negase é tanto como dicir que non fixo nin negociou absolutamente nada”, afirmou. A socialista censurou ademais que o PP atribúa a visita do ministro “ás presións” de Feijóo. “Aquí os que levan moito tempo presionando son os traballadores que loitan polos seus postos, todos os sectores e institucións da provincia e a oposición”, aseverou. Burgo califica de “irresponsabilidade con Lugo e con Galicia” que o PP non sexa quen de chegar a “un acordo a longo prazo que asegure a continuidade e o investimento” de Alcoa. “Non queda moito tempo, que digan dunha vez se teñen vontade política para facelo e que teñen pensado facer”, esixiu, e recordou que o goberno socialista si foi capaz de facelo.
Na mesma liña, Ricardo Varela lamentou o “electoralismo, engano e tomadura de pelo” da visita do ministro a San Cibrao. “Esperabamos que viñese con respostas e parece que veu con preguntas e sen solución”, tal e como lle transmitiron desde o propio comité da empresa. “Veu a Galicia a tratar de tapar un furado máis da xestión de Feijóo e a exercer do seu embaixador para tomarlle o pelo aos lucenses”, dixo, e comparou a situación “ao que está a suceder con Pemex”.
Concepción Burgo e Ricardo Varela analizaron os orzamentos do Goberno con respecto á provincia de Lugo onde, destacaron, o investimento caeu un 20%, oito puntos máis que no resto de España. “Estamos realmente preocupados”, afirmou Burgo, que destacou o “absoluto abandono de Lugo e as cifras desoladoras para piares fundamentais da provincia” cuns plans que só levan “a máis recesión, máis paro e máis indefensión para os que máis o necesitan”. A socialista lamentou que “Rajoy e Feijóo siguen cos recortes sen crecemento nin impulso económico”. O senador Ricardo Varela definiunos como uns “presupostos de castigo a Lugo e á provincia, ineficaces e inxustos”. Ambos analizaron puntos que afectan especialmente a Lugo como os recortes no rural e pesca, as pensións, infraestruturas clave para o desenrolo económico da provincia “que quedan paralizadas” e “os inasumibles e incomprensibles recortes en servizos sociais, educación ou sanidade”
OS ORZAMENTOS DO ESTADO EN LUGO
PARO: Despois dos datos coñecidos hoxe, vemos que Lugo segue a ser a provincia onde máis crece o desemprego de toda Galicia, un 2,01% só no último mes, e moi por riba da media de España (1,72%). No último ano, un 13,08% máis de lucenses, en total 25.239, están parados. Afecta máis ás mulleres que aos homes. Isto tampouco é casualidade. Agora, os presupostos prevén un recorte do 6,6% nas partidas para pagar prestacións por desemprego e un 34,6% nas medidas de fomento de emprego en toda España.
PENSIÓNS: Os 6.000 pensionistas de Lugo, que xunto cos de Ourense son os que menos cobran de todo o Estado, verán reducido aínda máis o seu poder adquisitivo. O Goberno engana cando di que subirá as pensións. A suba do 1% cun IPC do 3,5% supón unha baixada real do 2,5%. Os pensionistas van sufrir un recorte medio de 245 euros polo impago dos atrasos por desvío do IPC. Isto súmase ao copago dos medicamentos.
RURAL E PESCA: Os presupostos destinados para a pesca e o rural, un dos piares fundamentais da nosa provincia, son desoladores. O Ministerio de Agricultura, Alimentación e Medio Ambiente recorta un 25,4% con respecto ao ano anterior. Os fondos para programas de desenrolo rural caen máis dun terzo; para competitividade e calidade da produción e os mercados agrarios destinarán un 37,3 % menos; e a dotación para a previsión de riscos nas producciónss agrarias e pesqueiras será de 204,9 millóns de euros, un 18,9 % menos.
INFRAESTRUTURAS: Dígnanse a rematar a autovía do Cantábrico (70 millóns para os dous tramos pendentes), iso si, cun retraso de dous anos sobre o previsto, 2015. O resto, partidas pequenas que frean o desenrolo e paralización que repercutirá cun novo dano á dinamización e creación de emprego
AUTOVÍA LUGO-OURENSE: TOTALMENTE PARALIZADA. Outro ano máis sen obras novas. Apenas 1,4 millones para o eterno tramo do enlace Barrela. Na reunión cos empresarios de Chantada, transmitíronnos que era una vía esencial para poder desenrolar a súa actividade.
AUTOVÍA LUGO-SANTIAGO: RECORTES E PARALIZACIÓN DE TRAMOS. XA POÑEN A DATA DE 2017 CANDO ESTABA PREVISTA PARA 2015. Chama a atención o pouco interés nunha vía prioritaria para Galicia. Investimento en dous tramos, Guntín-Monte de Meda (11,57 millóns) e Vilamoure-Nadela (10,30). Paralizan o tramo entre Guntín e Palas, que leva varios anos en obras, con apenas un millón de euros.
AVE: SEN AVANCES. O AVE entre Ourense e Lugo segue a ser un proxecto fantasma. As obras na variante de Láncara seguirán paralizadas e o resto sen previsión de inicio. Falar do AVE entre Lugo e A Coruña é case que unha utopía (100.000 euros para estudos informativos). Din que o AVE polo Cantábrico estará para 2024. O AVE por Monforte non estará antes de 2035 e o do Cantábrico non estará antes de 2040. A ver se estamos nós para contalo.
CONEXIÓN SAN CIBRAO CON BARREIROS: PARALIZADA
PONTE SOBRE O CABE (MONFORTE): PARALIZADO. Aparece con 10.000 euros, dez veces menos que o ano pasado.
Todo isto, unido ás medidas antisociais da Xunta e do Goberno e aos brutais recortes en:
-educación (21,9%) onde as becas caen en máis de 45 millóns, un novo engano do Goberno que asegurou que subían
-dependencia: recorte de 283 millóns no nivel acordado coas CCAA
-sanidade (6,8%)
-Axuda ao alquiler dos mozos (34%)
Deixan unha provincia sen futuro
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
