O Bloque preguntará no pleno de Xove polo destino da paga extra dos empregados municipais e mais pola tarifa do Servizo de Axuda no Fogar
Marco López, concelleiro-portavoz do grupo municipal do BNG, manifestou a súa preocupación pola entrada en vigor do Real Decreto-Lei 20/2012 do 13 de xullo. Unha norma que contén, entre moitas outras medidas, a minoración retributiva e de dereitos laborais para as empregadas e os empregados públicos. O grupo nacionalista na corporación de Xove entende que esta nova perda de poder adquisitivo terá un efecto directo sobre o consumo no concello e no tecido económico local, pois elimina o poder de compra dos traballadores públicos nunhas datas tan sinaladas coma o Nadal.
Por esta razón, desde o grupo do BNG presentáronse varias preguntas por escrito que deberán ser contestadas polo goberno local no vindeiro pleno ordinario que se celebrará o día 8 de outubro. O executivo deberá facer pública tanto a cantidade que se lle retira ao conxunto dos empregados municipais como aos catro cargos políticos liberados do goberno municipal e, asemade, terán que informar sobre o destino das sumas de diñeiro detraídas destes salarios.
As tarifas do Servizo de Axuda no Fogar
O portavoz municipal nacionalista tamén realizará unha pregunta formal sobre a tarificación do Servizo de Axuda no Fogar. Marco López lembrou que o pasado mes de xuño os edís do PP na corporación de Xove aprobaron en solitario a modificación do regulamento desta prestación asistencial, o que implicou un considerable incremento do seu custo.
Así e todo, o BNG tivo coñecemento da elevación dos prezos públicos até o punto de que chega a saír máis económico contratar o servizo directamente coa empresa adxudicataria que a través do propio concello. A información facilitada aos nacionalistas amosa que o importe total por hora de servizo é de 14,52 euros a través do departamento municipal de Servizos Sociais, pero se o contrato se realiza directamente coa empresa a hora sae a 9,70 euros.
Marco López preguntará pola causa desta diferenza ilóxica, xa que as administracións públicas subvencionan parte deste servizo e, polo tanto, a consecuencia última debería ser o abaratamento do prezo final que pagan as persoas usuarias.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
