O Concello de Burela traballa na área de rehabilitación integral das Casas Baratas

GONZÁLEZ BARCIA AFIRMA QUE O CONCELLO TRABALLA NA ÁREA DE REHABILITACIÓN INTEGRAL DAS CASAS BARATAS. O ALCALDE E O CONCELLEIRO DE OBRAS REUNÍRONSE COA ASOCIACIÓN DE VECIÑOS PARA REPASAR OS PASOS DADOS E OS QUE QUEDAN POR DAR. O REXEDOR AGARDA QUE BEGASA SOTERRE O TENDIDO AÉREO “NUN PRAZO RAZONABLE”.

Burela, 4 de outubro de 2012.- O alcalde de Burela, José María González Barcia, afirmou que “estamos a traballar na Área de Rehabilitación Integral (ARI) do barrio das Casas Baratas, no que se refire ao ámbito competencial do propio Concello”.

O alcalde burelés fixo estas declaración despois de reunirse coa directiva da Asociación de Veciños das Casas Baratas, xunto co concelleiro de Obras, Manuel Fernández Valle, e o técnico municipal. Na reunión, que tivo lugar no mesmo barrio, os asistentes fixeron un repaso do procedemento para poder levar a cabo unha ARI nas Casas Baratas. González Barcia manifestou que “a parte que lle corresponde ao Concello vai a bó ritmo: temos delimitado o ámbito de actuación, o número de vivendas afectadas, as deficiencias que tén cada unha desas vivendas, e elaborada unha ficha por cada unha das mesmas”.

Así, o rexedor indicou que “a ARI, nun principio, e tendo en conta que este non é un proceso breve, senón que leva un certo tempo, afectaría a cento dúas vivendas, incluindo os conxuntos de San Juan Bautista e Antonio Garelly. Estes inmobles dan a seis rúas ou prazas, e nas fichas individualizadas, elaboradas pola oficina técnica do Concello, constan as deficiencias atopadas en cada unha das vivendas, tanto no que se refire á súa estructura, coma ao seu interior, fachadas, tellados, etc”.

Barcia manifestou que “o traballo de recopilación de datos entendemos que é bastante completo, ainda que deberá ser revisado pola Xunta. A directiva da Asociación de Veciños coñece perfectamente os pasos que hai que dar para levar a cabo a ARI, e é coñecedora dos pasos que se levan dado e dos que quedan por dar; teño que decir que tamén é consciente do papel que como asociación pode e debe desempeñar en todo este proceso, que reitero non é precisamente rápido”.

Na mesma reunión, o alcalde comprometeuse a colocar placas co nome de certas rúas, dado que as existentes foron retiradas hai tempo por diversas circusntancias. Asimismo, o alcalde manifestoulle aos membros da Asociación de Veciños que “Barras Eléctricas pode levar a cabo o soterramento do tendido de subministro eléctrico nun prazo razonable; a canalización soterrada leva anos feita, e parece que ninguén se acordou dela hasta hai uns meses, o que resulta increible. Os técnicos de Barras están verificando as obras realizadas para detectar posibles deficiencias, ainda que confío que sexan as mínimas e fácilmente solucionables”.

Finalmente, González Barcia lembrou que na súa etapa anterior asinou un convenio coa Consellería de Agricultura do último goberno Fraga para realizar actuacións nas Casas Baratas e na Rúa do Cancelo, sufragadas ao cento por cento pola Xunta de Galicia.