BARCELONA 8-0 BURELA FS PESCADOS RUBÉN
Onte o Burela FS Pescados Rubén disputou a 5ª xornada da máxima categoría ante o arquirrecoñecido FC Barcelona Alusport, vixente campión de Europa, cun duro marcador en contra (8-0). O Palau Blaugrana non revelou nada novo: o conxunto laranxa puido conter a furia dun rival doutra liga, a das estrelas, no tramo inicial, unha furia que se desatou en vendaval con catro tantos nos últimos dez minutos.
A escuadra de Julio Delgado, sen os alicerces de Juanma e Edu, freou a circulación catalá nos primeiros compases, pero o movemento de rotacións impulsou o asedio do Barça. Aicardo inaugurou o luminoso, no minuto 8, dun potente dereitazo e, poucos segundos despois, materializou Igor. “Con 2-0 recuperamos as boas liñas defensivas iniciais, tras solicitar un tempo morto e incluso puidemos dispoñer dun par de chegadas con perigo” explicou o adestrador dos laranxas, que tiveron unha grande oportunidade de reducir distancias en Dani Martín, tras un erro de Sergio Lozano, pero bateu co efectivo Cristian.
“Co descanso intentámonos reforzar para continuar no partido, pero eles seguían cunha aptitude óptima e a partir do 3-0, de Fernandao, fíxosenos inasumible” sentenciou o técnico laranxa, que nese momento decidiu “dosificar os xogadores, para non castigalos de cara á cita de mañá en Zaragoza, e intentar dar a mellor imaxe posible”.
O encontro estivo presidido polo seleccionador nacional, José Venancio López, e o director xeral do CD Burela FS, José Luis Sáez, xunto a representantes da entidade barcelonista.
Caras novas
Xunto ao debut de Iago Barro baixo os paus, tamén se estrearon en Primeira División os novísimos Antón e Fabio, que “entraron nas rotacións da primeira parte, con opción de disputar minutos moi bos” e o meta Erick, “saltando á pista na recta final, despois de recibir un pelotazo Iago Barro e estando xa advertido cunha tarxeta amarela”, segundo valorou Julio Delgado.
Próxima parada
O Burela FS Pescados Rubén disputará mañá a 4ª xornada en Zaragoza, con tan só 48 horas para repoñerse (Siglo XXI, 21.00 horas). “É certo que chegamos un pouco máis minguados fisicamente pola carga dos dous partidos anteriores en tan só cinco días, pero con iso xa contabamos na preparación. O que máis me preocupa quizais sexa o estado anímico: como equipo xa fixemos borrón e conta nova para plantarlle cara ao vindeiro rival, todos debemos evitar que a cabeza se nos vaia a calquera outro partido que non sexa o Umacón” advertiu Julio Delgado.
Ficha técnica
FC Barcelona Alusport: Cristian, Ari, Lin, Saad e Fernandao, no cinco inicial; tamén xogaron Aicardo, Torras, Gabriel, Sergio Lozano, Igor e Eric Martel
Burela FS Pescados Rubén: Iago Barro, Mimi, Iago Míguez, Enrique Cánovas e Nacho Pedraza, no cinco inicial; tamén xogaron Erick, André, Dani Martín, Christian, Hugo, Antón e Fabio
Goles: 1-0, minuto 8, Aicardo; 2-0, minuto 9, Igor; 3-0, minuto 24, Fernandao; 4-0, minuto 29, Sergio Lozano; 5-0, minuto 30, Eric Martel; 6-0, minuto 37, Hugo (p.p.); 7-0, minuto 38, Fernandao; 8-0, minuto 39, Fernandao
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
