O BURELA FS B SUCUMBE ANTE O LÍDER (6-1)
O Burela FS Pescados Rubén B sucumbiu o sábado ante o líder, O Esteo-As Pontes FS, por 6-1, excesivo castigo para os de Iván Cao ‘Lucas’, que xeraron múltiples ocasións na primeira parte. “Os erros puntuais condicionaron o encontro e fixeron que o equipo se viñera abaixo co paso dos minutos” dixo o técnico mariñán.
O experimentado rival dos laranxas xa marcou distancias no minuto 4 e ampliou a 2-0 no 11. No entanto, o Burela FS soubo manter o tipo, creando perigo na meta local; o premio chegou no minuto 19, cun penalti executado por Fabio. Cando parecía que chegaría o descanso, con serias opcións de remontar para os pupilos de Lucas, Rubén anotou unha nova diana para os das Pontes, tamén dende os 6 metros.
Á volta, os obxectivos mariñáns bateron con maiores complicacións. O peche e contragolpe do Esteo frearon o ataque da escuadra laranxa e atoparon o resultado perseguido, con tres tantos, ata o 6-1 final.
Ribeira de Piquín será o vindeiro rival dos burelaos, o xoves 11, ás 20.30 horas (municipal de Meira).
Ficha técnica
O Esteo-As Pontes FS: José, Pellón, Iván, Gerardo e Rubén, no cinco incial; tamén xogaron Francisco, David, Diego e Alberto
Burela FS Pescados Rubén B: Samuel, Bruno de Nois, Antón, Souka e Keko, no cinco inicial; tamén xogaron Erik, Fabio, Carlos e Xoia
Árbitros: Roberto Amor e J.M. Carreira, da delegación de Ferrol
Goles: 1-0, minuto 4, Iván; 2-0, minuto 11, Iván; 2-1, minuto 19, Fabio (penalti); 3-1, minuto 19, Rubén (penalti); 4-1, minuto 21, Gerardo; 5-1, minuto 24, Antón (propia meta); 6-1, minuto 34, Gerardo
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
