CERVO.- A Dirección Xeral de Patrimonio emitiu unha resolución o 10 de marzo na que insta ao promotor das construcións da Atalaia de San Cibrao a realizar escavacións arqueolóxicas para valorar a situación e advertindo que calquera actuación debe contar coa autorización da Consellería de Cultura.
NOTA DE PRENSA DO BNG.
PATRIMONIO RESOLVEU AMPLIAR AS ESCAVACIÓNS ARQUEOLOXICAS NO CASTRO DA ATALAIA EN SAN CIBRAO A FIN DE PRESERVAR AS ESTRUTURAS EXISTENTES
A Axencia da Legalidade Urbanística abriu un período de investigación derivado da denuncia presentada por Mariña Patrimonio e 527 persoas que cuestiona a legalidade das licenzas de construción.
Cervo, 01 de abril de 2009. Por resolución asinada o 10 de marzo, a Dirección Xeral de Patrimonio, insta ao promotor das construcións de tres bloques de vivendas na zona da Atalaia en San Cibrao a realizar mais escavacións arqueolóxicas no entorno do castro da Atalaia para valorar a afectación das obras en terreos aínda sen alterar, advertindo que calquera actuación na zona deberá contar coa autorización da Consellaría de Cultura previo informe da Comisión Territorial do Patrimonio Histórico Galego. Ademais a Axencia da Legalidade Urbanística da un prazo de 10 días ao concello para que remita información sobre as licenzas outorgadas na Atalaia por se estas foran constitutivas de infracción urbanística, atendendo a denuncia presentada por Mariña Patrimonio e asinada por 527 persoas.
PATRIMONIO COMUNICOU A CONCELLO E PROMOTOR A AMPLIACION DAS ESCAVACIONS ARQUEOLOXICAS
Na resolución emitida por Patrimonio con rexistro de entrada municipal do 27 de marzo, confírmase a importancia e extensión do xacemento castrexo, datado entre os séculos I a III d.c., sendo relevante a previsión de que nos espazos non construídos e situados dentro do Dominio Publico Marítimo Terrestre, poden atoparse restos en mellor estado de conservación. En referencia ás parcelas con licenzas de construción que non foron destruídas arqueoloxicamente, Patrimonio insiste na necesidade de preservar os restos in situ, polo que insta ao promotor a presentar novos proxectos de escavación arqueolóxica en area nesta zona co fin de preservar ao completo a totalidade das estruturas existentes. Advírtese ademais, que calquera proxecto de obra nestas parcelas, debera contar cos permisos da Consellaría de Cultura.
A AXENCIA DA LEGALIDADE URBANISTICA CUALIFICA COMO PRESUNTA INFRACCION AS LICENZAS MUNICIPAIS OUTORGADAS NA ATALAIA
O requirimento da Axencia da Legalidade Urbanística, na que se insta ao concello a remitir no prazo de 10 días documentación relativa as licenzas concedidas na Atalaia que cualifica como presunta infracción urbanística, está motivada na denuncia interposta pola asociación Mariña Patrimonio e apoiada por 527 sinaturas de veciños e veciñas. As tres licenzas municipais outorgadas non contan co Estudo de Detalle preceptivo que esixen as N.S.P. nese solo, nin cos informes sectoriais de Patrimonio que o goberno municipal non solicitou, a pesar de ter coñecemento oficial dende antes da súa concesión, da existencia de restos arqueolóxicos na zona. Isto é o que denuncian os veciños e isto e o que urbanismo investiga, non outra cousa, polo que o goberno municipal o que debe facer e cumprir o que se lle pide e si non o ten asumir as consecuencias.
O PP É DONO DAS SUAS PALABRAS, AGORA TERÁ QUE CUMPRIR O QUE ESIXÍA ANTES DAS ELECCIÓNS AUTONOMICAS
A importancia xa confirmada con reiteración por diferentes informes técnicos de que na zona da Atalaia existen restos arqueolóxicos que deben ser conservados e postos en valor, obriga á nova administración galega e tamén ao concello a mover ficha e resolver o problema. O xulgado dirimira responsabilidades sobre a destrución dunha parte dese xacemento pero o que se conserva intacto debe poñerse en valor e formar parte dos recursos patrimoniais, culturais e turísticos que o Cervo ten que ofrecer aos seus veciños e visitantes.
Ao BNG non se lle van esquecer os discursos de oposición do PP, as solucións que antes eran fáciles e factíbeis, debérano ser tamén agora tamen; supoñemos que o PP terá a decencia de manter o dito e actuar con coherencia, facer outra cousa seria mentir e enganar aos veciños.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
