Sanidade ten avanzada a redacción do novo plan funcional que determinará as necesidades futuras do hospital e as melloras a incorporar no centro
Rocio Mosquera confirma as palabras do Presidente da Xunta “a próxima lexislatura será a da ampliación do Hospital da Costa”
O PPdeLugo organizou un encontro con xubilados da asociación Terra-Mar de San Ciprián aos que lles animou a participar nos programas de envellecemento activo e explicou as novidades introducidas en materia de medicamentos
San Ciprián, 15 de outubro de 2012.- “Sanidade ten moi avanzada a redacción do novo plan funcional do Hospital da Costa e polo tanto, podemos confirmar que demos os pasos previos e indispensables para que a próxima lexislatura sexa a da ampliación do hospital mariñán” así o indicou hoxe Rocío Mosquera confirmando as palabras do Presidente da Xunta, Alberto Núñez Feijóo nas que avanzaba esta boa nova que fará realidade unha das reivindicacións pendentes e de maior envergadura e interese para os veciños da Mariña logo de que o centro cumprira o seu 25 aniversario o pasado ano e estea ao límite da súa capacidade asistencial.
Rocío Mosquera fixo estas declaracións tras achegarse a nosa comarca para participar en varios actos electorais organizados polo Partido Popular de Lugo: un xantar de traballo con alcaldes e portavoces da comarca -que tivo lugar no restaurante Palacio de Cristal de Burela- e unha reunión con xubilados, máis en concreto, con máis de medio cento de membros da asociación Terra-Mar de San Ciprián. Rocío Mosquera estivo acompañada por Jose Manuel Balseiro, número tres da lista electoral do PPdeG na provincia de Lugo así como por outros dirixentes comarcais.
CIRURXÍA LAPAROSCÓPICA
O plan funcional impulsado por Sanidade ten por obxecto describir e determinar as necesidades futuras do hospital e as melloras a incorporar conforme os requirimentos propios dun hospital moderno e avanzado. Así por exemplo o plan funcional describe os servizos existentes, as dotacións en materia de persoal e tecnoloxía necesarias e incorpora novidades -que nunca se tiveron en conta en proxectos anteriores- como as precisas para practicar a cirurxía laparoscópica – menos invasiva e dolorosa e moito máis cómoda para os doentes-
MELLORAS TECNOLÓXICAS
Desde o Partido Popular volveron a comparar o “investimento cero” do bipartito -recoñecido en resposta parlamentaria- cos máis de dous millóns de euros investidos polo Goberno do Partido Popular en diversas melloras no Hospital da Costa entre as que destacaron a reforma integral da área de maternidade ou a adquisición de novos ecógrafos. “Recibimos un hospital cun aparataxe obsoleto, pois socialistas e nacionalistas ademais de non investir un so euro en obras tampouco fixeron a renovación e mantemento preciso dos equipos sanitarios. En época de bonanza esqueceron o hospital, mentres que o PP en época de crise e dificultade corriximos esta situación por exemplo, con investimentos como o que coñecemos nos pasados días para renovar as estacións de anestesia dos quirófanos, isto é, preto de 200.000 euros achegados pola Xunta”
ENVELLECEMENTO ACTIVO
Pola súa parte, durante a reunión coa asociación de xubilados Terra-Mar de San Ciprián, Rocío Mosquera e Jose Manuel Balseiro explicaron as novidades introducidas en materia de prestación farmacéutica como o uso de medicamentos xenéricos -igual de efectivos pero de mellor prezo- ou o novo sistema de pago de fármacos en función da renda, que incorpora á gratuidade a parados de longa duración, xunto aos xubilados coas pensións máis baixas e introduce descontos a familias numerosas. Rocío Mosquera tamén quixo animar aos xubilados a participar nos programas impulsados pola Xunta na promoción da autonomía persoal dos maiores e o seu envellecemento activo, así como o fomento da prevención e dos hábitos saudables.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
