Día Mundial da Alimentación: A agroecoloxía e a soberanía alimentar dos pobos son un dos alicerces da sustentabilidade
Espazo Ecosocialista esixe a revitalización do rural galego a través da agroecoloxía
O sobordamento do pico do petróleo, os efectos do cambio climático, un sistema agroindustrial destrutivo e a cada vez maior dificultade no acceso a produtos alimentares de calidade obrigan a unha reformulación radical do sistema alimentario mundial, e xa que logo, do galego.
O modelo industrial de produción agrícola e gandeira depende do consumo de inxentes cantidades de enerxías fósiles tanto para os fitosanitarios e para as técnicas de cultivo como para o funcionamento dun mercado global orientado ao beneficio das transnacionais alimentarias, non a atender as necesidades alimentarias da poboación.
Tamén o emprego de transxénicos, apropiación de patentes baseadas en saberes tradicionais, agresivas políticas comerciais que destrúen o tecido produtivo propio de cada pobo para transformalo nunha peza máis da engrenaxe de beneficios destas empresas, son elementos que afianzan o carácter aniquilador deste sistema
A concentración do control desta distribución e produción nun número moi reducido de transnacionais xunto coas políticas de liberalización implantadas pola OMC teñen convertido un ben básico e un dereito universal como é a alimentación nun produto máis dentro da demencial política financeira de casino, cerne da crise. Os incrementos artificiais de prezos en produtos básicos como o gran xeran pingues beneficios para as empresas ao cambio da desnutrición de milleiros de millóns de persoas que ven pechado o acceso aos alimentos básicos da súa tradición alimentaria.
Galicia tamén padece estas políticas. Asistimos impertérritos a unha redución progresiva da nosa capacidade de producirmos alimentos, facéndonos proporcionalmente máis dependentes de insumos externos subministrados por unha cadea de transporte baseada na enerxía fósil. A política Agraria Común da UE ten tido moito que ver tamén neste proceso
Do ano 2000 ao 2009 (última actualización do censo agrario) desapareceron en Galicia o 70,5 % das explotacións agrícolas e e abandoáronse 1.129.823 has de terras, 59.000 hectáreas de labrado e o resto de monte. En porcentaxes, as terras de labor reducíronse un 23%. O progresivo desmantelamento do mundo rural pola dobre vía do dumping de prezos que se pagan ao produtor ou produtora e eliminación de servizos que permiten fixar poboación e dotala dunha calidade de vida digna está a anular a nosa capacidade de resilencia, é dicir, a capacidade de facer fronte as adversidades, aos cambios.
Para Espazo Ecosocialista faise imprescindíbel comezar a transición cara o novo escenario que sen dúbida crearán o encarecemento das enerxías fósiles e o cambio climático. E unha das pezas fundamentais desta resiliencia é a capacidade de producirmos alimentos para o noso consumo. É dicir, a soberanía alimentaria definida como o dereito dos pobos a alimentos nutritivos e culturalmente apropiados, acesíbeis, producidos de forma sustentábel e ecolóxica, e o seu dereito a decidir o seu propio sistema alimentar e produtivo.
Segundo os ecosocialistas galegos é a ferramenta básica desta transformación é a agroecoloxía: unha agricultura sustentada no coñecemento local, na complexidade dos ecosistemas, rica en biodiversidade, cunha dependencia mínima dos insumos de petróleo. Unha agricultura, gandeiría e pesca con modelos ecolóxicos de produción, diversificando a paisaxe e afastándose dos monocultivos intensivos.
Este modelo tamén implica unha mudanza na distribución, Cumpre apostar por redes locais descentralizadas, con prezos xustos para a produción e consumo, que apoien a produción local ofrecéndose como alternativa viábel ao modelo agroindustrial.
En definitiva, unha reformulación radical do concepto de alimentación e consumo, que sustentado no local permita globalizar o dereito a alimentos suficientes, culturalmente axeitados, producidos de xeito sustentábel e en beneficio do conxunto da humanidade.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
