O estudantado da Mariña sae a rúa en defensa do ensino público
Baixo o lema “Paremos o PP. O ensino é un dereito e non un privilexio” Galiza Nova chamou a secundar unha Xornada de Folga no ensino público galego e reuniu a centos de estudantes nas dúas concentracións que tiña convocadas na Mariña, unha en Burela no IES Monte Castelo e outra en Ribadeo no IES Ribadeo.
O estudantado da Mariña secundou de forma total a Xornada de Folga no ensino convocada por Galiza Nova neste mércores día 17 de outubro. Esta folga non facía fincapé só nos recortes do PP no ensino galego senón que tamén denunciabamos a reforma educativa prevista polo goberno Rajoy. Este anteproxecto de lei pretende volver ao modelo educativo franquista, un retroceso de 50 anos co obxectivo de volver a un ensino máis clasista e máis españolizado.
Alén do total seguimento da folga, as dúas concentracións convocadas por Galiza Nova na Mariña tiveron un amplísimo seguimento. En Burela o estudantado concentrouse ás portas do IES Monte Castelo para acto seguido rodearen, en manifestación, o centro de ensino. En Ribadeo os mozos e mozas desafiaron a chuvia para se concentraren na rotonda situada en fronte do IES Ribadeo para, posteriormente, saíren en manifestación polas rúas da vila.
Deste xeito, desde Galiza Nova, e en nome de todo o estudantado que saiu ás rúas da Mariña nesta xornada, reiteramos que o estudantado galego rexeita os sucesivos recortes no ensino público galego, tanto por parte da Xunta como por parte do Goberno Central. Así mesmo, rexeitamos á contrarreforma educativa do PP, impulsada polo goberno Rajoy e aprobada xa no Consello de Ministros, porque supón a imposición dun modelo educativo sectáreo e clasista. Por todo isto pedimos a súa retirada e anunciamos que no caso de que isto non aconteza continuaremos as mobilizacións ata que se rectifiquen estas políticas. As mozas e mozos galegos cremos que é necesario defendermos os nosos dereitos e non permitir que destrúan o noso futuro os mesmos que están condenando ao paro e a miseria a amplas capas da sociedade galega.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
