Os populares denuncian a utilización electoralista de viaxes sufragadas con fondos europeos en plena campaña electoral
O GPPP pídelle á Deputación que deixe de utilizar as visitas do KM0 para dar mitins políticos aos seus participantes
Elena Candia lamenta que a obsesión partidista de Gómez Besteiro leve ao equipo de goberno provincial a utilizar este programa europeo como “o marco perfecto” para dar mitins políticos
A portavoz cualifica esta actitude do goberno provincial de “falta de respecto” para os participantes, que se ven obrigados a escoitar mitins partidistas durante as visitas institucionais
Os populares denuncian que Gómez Besteiro confunda de novo o edificio da Deputación como sede do PSOE, xerando malestar nos participantes do programa KM0
Lugo, 18-10-2012 – O Grupo Provincial do Partido Popular na Deputación de Lugo denuncia que a “obsesión partidista” de José Ramón Gómez Besteiro estea a levar ao equipo de goberno do ente lucense a utilizar as viaxes do KM0 como marcos “perfectos” para dar mitins políticos aos seus participantes.
Os populares critican a utilización electoralista deste programa que, sufragado con fondos europeos, ten a funcionalidade de poñer en valor os recursos da provincia, e non a “venda dunhas ideas e proxectos políticos moi concretos”. Así o puxo de manifesto a popular, Elena Candia, tras recibir denuncias por parte de participantes nas viaxes, que se ven obrigados a escoitar este tipo de mitins.
“XA VAI BEN DE MITINS POR HOXE”
A portavoz do PP na Deputación de Lugo cualifica esta actitude como “unha falta de respecto para os visitantes”. A popular explica que os propios participantes chegan a expresar o seu malestar por esta situación xa que acoden a un programa de visitas institucionais e vense obrigados a recibir charlas que incluso remataron coa seguinte expresión do deputado correspondente: “xa vai ben de mitins por hoxe”, como aconteceu coas palabras que pronunciou na súa literalidade a deputada provincial socialista Sonsoles López Izquierdo con ocasión dunha destas visitas.
Elena Candia lamenta que viaxes con fins turísticos se convertan en focos de propaganda electoralista debido a “obsesión partidista e os nervios” que parece manifestar Gómez Besteiro ante as perspectivas electorais. Os populares critican que o presidente da Deputación provincial de Lugo confunda unha vez máis o edificio do ente coa sede do PSOE, e o mesmo está a ocorrer cos seus compañeiros de goberno.
Ante este tipo de actitudes, o Grupo Provincial do Partido Popular pídelle á Deputación provincial de Lugo que deixe de utilizar as visitas do KM0 para dar mitins políticos aos seus participantes.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
