VISTA ALEGRE XA RESPIRA A EMOCIÓN A DERBI (BURELA FS-CIDADE DE VIVEIRO, SÁBADO, 18.30 HORAS)
Vista Alegre xa respira a emoción típica dos derbis. O Burela FS Pescados Rubén B estrearase nos duelos mariñáns da Terceira División este sábado, ás 18.30 horas, coa visita do Cidade de Viveiro. Ambos os equipos chegan á cita cunha traxectoria idéntica: empatados a puntos (6) e con ansias de volver á senda da vitoria, despois de encadear as tres últimas xornadas con resultados desfavorables.
“Vai ser un encontro moi igualado, así o mostra xa a clasificación; nós sairemos ao cento por cento para gañar” asegurou unha das firmes promesas burelistas, Antón Couto Hermida (Fazouro, 1993), manifestando tamén “a especial motivación que sempre rodea os derbis”.
O novísimo ala laranxa, que xa puido debutar co equipo sénior da Primeira División esta tempada, valorou a estrea do seu conxunto en Terceira, categoría á que se está adaptando paulatinamente: “Estannos tocando os rivais máis fortes e iso nótase; aínda que estamos despregando un bo xogo, a falta de finalización custounos os últimos partidos” analizou o mariñán, que tamén se mostrou optimista as próximas citas do calendario. “Agora teremos catro partidos que parecen máis accesibles, excepto o do Leis, e temos que intentar sacar os máximos puntos para reencontrarnos cos máis experimentados sen tanta presión” dixo o focego.
Do seu periplo e da súa recente estrea en Primeira tamén falou o ala laranxa: “É unha oportunidade que teñen moi poucas persoas, nin eu mesmo o acabo de crer; estou enormente agradecido tanto a Julio Delgado coma ao club pola confianza depositada en min” expresou ilusionado o xogador, confesando ademais que “non podería ter un debut máis bonito do que foi, ante o Barcelona”.
O burelista non quixo despedirse sen animar a afección a presenciar o prometedor desafío mariñán: “Será un bo partido, con rivalidade, intensidade e moitos goles, e ademais no que imos gañar” concluíu o deportista.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
