PACHI VÁZQUEZ: “A GRAN MANIFESTACIÓN EN GALICIA DEBE SER ESTE DOMINGO NAS URNAS”
Comprométese a “saír da crise pola esquerda” e axudar aos “50.000 rapaces que temos na casa sen traballar” con 25.000 bolsas contrato
Viveiro, 18 de outubro de 12. O candidato á Xunta do PSdeG-PSOE, Pachi Vázquez, animou esta tarde en Viveiro, onde estivo xunto co presidente de Asturias, Javier Fernández, a que “a gran manifestación en Galicia sexa este domingo nas urnas”. Así o dixo logo de referirse a toda a xente que estes días está a protestar nas rúas contra os recortes da sanidade e a educación ou os problemas nas súas empresas.
O socialista prometeu traballar para “saír pola esquerda da crise”, e referiuse especialmente a “eses 50.000 rapaces que temos na casa sen traballar”, aos que se comprometeu a axudar con 25.000 bolsas contrato. Vázquez fixo ademais unha mención especial a Alcoa e deu un aviso aos traballadores que acudiron ao acto: “A dereita engana, e só estará todo arranxado cando se publique no BOE”, afirmou.
O líder dos socialistas galegos explicou que “eu xa vivín outras películas; aínda estou buscando os contratos de Pemex, o da Mitsubishi, os 14.000 empregos do eólico ou os 3.000 da acuicultura”, engadiu.
“Rajoy vén pedir un cheque en branco a Galicia a través de Feijóo, pero este domingo pola noite vai haber unha alegría, unha sorpresa moi agradable”, vaticinou Vázquez. “Cómo van gañar por maioría absoluta?”, preguntou tras referirse ás 43.000 familias afectadas polas preferentes, os 140.000 funcionarios, 730.000 pensionistas que pagan o copago e miles de pais e nais que saíron á rúa polos recortes en educación.
Sinalou que “no PP din que xa non hai que ir votar, cren que todos estes van votar o PP?”, asegurou, antes de advertir que “a semana que vén van rescatar o país, e despois dirán “eu non quería”.
O candidato socialista referiuse a Javier Fernández como un home normal, “un presidente que está na rúa e fala coa xente”, ao contrario que Feijóo. “Ao noso gústanlle os platós e coller avións, se pode ser de millonarios, e está sempre no lado oposto a onde hai un problema, el nunca ten culpa de nada”, ironizou.
Loitar contra o medo
Pola súa banda, o presidente asturiano falou do parecido entre Galicia e Asturias, e augurou que “desde o luns vanse parecer tamén politicamente”. Javier Fernández chamou a “loitar contra o medo” e indiciu en que o socialismo “é o último baluarte para resistir a política do PP” e a políticos “metidos a mengoneos con banqueiros, como Feijóo”.
Fernández avisou de que despois das eleccións irán polas pensións, “o último que lles falta por incumpiri”, e pedirán o rescate. Pediu “o voto para Pachi Vázquez” a “todos os que non queren pasar de ser pacientes a ser clientes e converter o ensino en privado para as elites e público como aparcadoiro para os adolescentes”.
Correos electrónicos en Alcoa
O alcalde de Viveiro, Melchor Roel, saudou ao presidente do comité de empresa de Alcoa, Luis Combarrro, presente no acto, e criticou que todos os traballadores da factoría “recibiron un correo electrónico dándolle as gracias ao ministro e a Feijóo” por unha “solución na que aínda non está nada asinado” para a factoría.
“Nós queremos darlles as grazas aos traballadores e aos veciños por todo este tempo, porque sen eles si que non haberá solución”, asegurou Roel, que lembrou que o único que está garantizado por agora é unha tarifa eléctrica competitiva despois dun acordo que alcanzou o goberno socialista.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
