FEDERICO GUTIERREZ FAI UN CHAMAMENTO Á MOBILIZACIÓN NA FOLGA XERAL DO 14 DE NOVEMBRO
O alcalde de Riotorto chama a saír á rúa contra as políticas neoliberais dos gobernos central e autonómico e demostrar na rúa que o verdadeiro poder está no pobo
‘Temos o deber e o dereito como cidadáns de lembrarlle a Feijóo que a maioría absoluta non o lexitima para cambiar o programa electoral co que se presentou e que a xente votou, como fixo na anterior lexislatura’ afirma Estoa
Riotorto, 7 de novembro de 2012. Federico Gutiérrez Estoa, alcalde nacionalista do Concello de Riotorto, fai un chamamento a todos os seus conveciños, aos mariñás e mariñás e a todos os lucenses a participar na folga xeral convocada para o vindeiro 14 de novembro en contra das políticas de recortes que están impondo os gobernos do PP do Estado e da Xunta de Galiza.
“É importante –afirmou Estoa- lograr a máxima mobilización social para que se faga visible o rexeitamento dos cidadáns ás políticas neoliberais que está aprobando o Partido Popular e lograr paralizar a axenda de reformas previstas e que seguirán atentando contra os dereitos dos cidadáns e mermando o seu poder adquisitivo.’
Federico Gutiérrez Estoa afirmou que cada persoa que se atopa sen traballo, cada desempregado que se quedou sen prestación, cada pai e nai de rapaces que tiveron que emigrar pola falla de oportunidades laborais no país, cada familia que até o de agora viviu do agro e a gandería e tiveron que pechar as súas explotacións, cada autónomos que sofren as consecuencias da suba do IRPF, cada persoa dependente e maiores que deben pagar máis polas menciñas, polo transporte en ambulancia e que deixan de recibir servizos vitais para eles como a teleasistencia ou o servizo de axuda no fogar, así como polas familias que sofren o incremento o IVE. Cada persoa e cada colectivo que acabo de mencionar ten razóns de sobra para saír á rúa e demostrar que nel reside o verdadeiro poder.’
‘O 14 de novembro –concluíu Estoa- os cidadáns temos que dicirlle tamén a Feijóo que a maioría absoluta que conseguiu nas autonómicas do 21 de outubro, non son unha folla en branco para seguir facendo recortes e cambiar o programa electoral co que se presentou, algo ao que xa ten acostumados aos galegos e galegas porque foi o que fixo na anterior lexislatura.’
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
