CONTRA A VIOLENCIA MACHISTA NON CHEGA CON ACTOS PUNTUAIS MAIS OU MENOS VISTOSOS, HAI QUE FREAR O DESMANTELAMENTO DAS POLÍTICIAS DE IGUALDADE E DE APOIO SOCIAL ÁS MALTRATADAS QUE SE VEÑEN PRACTICANDO COA ESCUSA DA CRISE ECONÓMICA.
Concelleiras nacionalistas da Mariña denuncian que malia os esforzos realizados nos últimos anos, malia o desenvolvemento lexislativo, estamos a ver como o medre do paro e o desmantelamento dos servizos públicos está empobrecendo de xeito especial ás mulleres e afectando gravemente á nosa vulnerabilidade ante a violencia machista.
A Mariña, 20 de novembro de 2012. Susana Riveira, concelleira do Vicedo e Responsábel de Igualdade na Executiva Comarcal, Neves Cando Concelleira en Burela, Ana Ermida Igrexas, concelleira en Burela, Mari Luz Álvarez Lastra e Teresa Gzlez. Piñeiroa, concelleiras en Ribadeo, Mª Xosé Fernández, concelleira en Trabada, Elena Freire, concelleira en Mondoñedo e Mónica Rancaño, concelleira na Pontenova compareceron en rolda de prensa para denunciar que a parálise e retroceso en políticas socias, de igualdade, os recortes orzamentarios para a loita contra a violencia machista e as modificacións lexislativas no ámbito xudicial converten o 25 de novembro nun día no que ademais de demandar o fin da violencia machista hai que esixir aos gobernos galego e estatal un compromiso real e un xiro de 180 graos nas políticas de xénero.
As políticas activas contra a violencia de xénero teñen un compoñente ideolóxico, non é o BNG quen está a aplicar recortes brutais que acrecentan as desigualdades e a vulnerabilidade ante a violencia machista.
Para as concelleiras nacionalistas do BNG na Mariña é evidente que as políticas activas contra a violencia de xénero teñen un compoñente ideolóxico: “non é o BNG quen está executando recortes orzamentarios brutais en materia de igualdade, loita contra a violencia de xénero, políticas sociais e sanitarias, ensino, política laboral ou reformas lexislativas no acceso á xustiza e incluso incumprimento das xa existentes senón que son os gobernos galego e estatal, sustentados por unhas siglas e un ideario político quen están deixando no mais absoluto desamparo e afectan á nosa vulnerabilidade ante a violencia machista.”
As concelleiras puxeron varios exemplos para corroborar as súas afirmacións entre os que citaron os recortes dun 30% nos últimos dous anos nas políticas activas de loita contra a violencia de xénero que están provocando a falsa visualización da realidade cunha redución de denuncias por maltrato(en Galiza 6.068 no 2009 por 5.153 en 2011) que tamén veñen sustentadas polas situacións de desemprego e ausencia de autonomía económica; as nacionalistas puxeron sobre a mesa os recortes do chamado “Salario da Liberdade” posto en marcha no seu día polo BNG que tamén sufriu reducións chegando en 2010 a 369 mulleres por 251 en 2011.
Os recortes nas políticas sociais están a provocar un efecto feminizador da pobreza e o desemprego de milleiros de mulleres que maioritariamente traballan neste sector.
Na comparecencia explicaron que os recortes nas políticas sociais teñen efectos demoledores no emprego feminino ao ser este sector maioritariamente ocupado por mulleres, lembraron que no ano 2012 o goberno do Estado e a Xunta de Galiza executaron recortes brutais nos servizos de axuda no fogar e para o 2013 hai un novo recorte nos programas de tele asistencia domiciliaria con efectos demoledores sobre as 244 persoas beneficiarias deste servizo na comarca mariñá. A moratoria na aplicación da Lei de Dependencia, a supresión da cobertura social e a redución no mes de setembro da paga a coidadoras nun 15% afecta maioritariamente a mulleres con efectos multiplicadores xa que volven asumir o rol de coidadoras sen salario como en tempos pretéritos.
Esixencia no cumprimento da lexislación sanitaria galega incluída na Lei 11/2007 e na lexislación sobre interrupción voluntaria do embarazo na comarca da Mariña. ( Lei Orgánica 2/2010, de 3 de marzo, de saúde sexual e reprodutiva e de interrupción do embarazo )
Para as concelleiras nacionalistas non é de recibo que se incumpra a lexislación vixente en materia sanitaria incluída na Lei 11/2007 pola negativa á implicación do SERGAS na detección, prevención e asistencia ás vítimas de violencia de xénero. Non se realiza na rede pública a atención psicolóxica de mulleres e crianzas afectadas. Unha atención fundamental para construír a autonomía persoal e iniciar unha nova vida. Como tampouco é de recibo o incumprimento da lexislación sobre a interrupción voluntaria do embarazo no Hospital da Costa, na Mariña as mulleres estamos imposibilitadas para facer uso deste dereito pola negativa de determinado persoal sanitario a cumprir a lei.
As modificacións aprobadas recentemente sobre acceso á xustiza con fortes incrementos nas taxas xudiciais provoca desigualdades entre a poboación e terá efectos nas demandas por acoso e violencia de xénero.
A recentemente aprobada modificación das taxas xudiciais é un novo avance nas desigualdades sociais neste caso no acceso á xustiza que discriminará entre ricos e pobres e no caso das mulleres provocará que se impida e coarte o dereito das mulleres a interpoñer denuncia perante o xulgado por violencia de xénero. Se por riba de sufrir ese martirio hai que pagar para que nos dean a razón, para que unha sentenza ratifique o pesadelo.
Esixencia de tolerancia cero co maltrato e xiro de 180 graos nas políticas activas de xénero para evitar as desigualdades e a violencia machista.
As concelleiras nacionalistas lembraron as 874 mulleres asasinadas por violencia machista dende 1999, 47 delas no que vai de ano no Estado, 4 delas en Galiza multiplicando por dous a cifra do ano 2011 polo mesmo período. Para as concelleiras do BNG da Mariña a sociedade debe ter tolerancia cero neste tema e as campañas de concienciación son moi importantes, non so nesta data, tamén no resto do ano. Neste sentido esixiron tanto ao goberno da Xunta como ao do Estado un xiro de 180 graos nas políticas activas de xénero pero tamén noutras que teñen efectos transversais sobre esta lacra social en materia económica, de emprego, social , educacional, sanitaria ou lexislativa. As concelleiras nacionalistas sinaláronlle ás mulleres do PP de Lugo que coa colocación de lazos lilas e recollida de posicionamentos de repulsa contra esta violencia nun día ao ano non se amaña nada nin soluciona ningún problema e mais ben parece unha ocurrencia para saír nos medios que ademais é copiada.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
