A Deputación aproba novos servizos para 4 Concellos con 110.000 euros, cofinanciados con fondos da Unión Europea
– A Xunta de Goberno acordou a construción dun parque ambiental en Becerreá para potenciar o benestar, así como a adquisición de medios para a recollida do lixo en Negueira de Muñiz
– A institución provincial aprobou melloras no abastecemento de agua na localidade focense de Raulfe e a rehabilitación da fonte do Cachón, na parroquia viveirense de Santa María do Campo
O voceiro provincial socialista, Manuel Martínez, deu conta este venres dos asuntos aprobados pola Xunta de Goberno de hoxe, na se aprobaron novos servizos para os Concellos de Becerreá, Negueira de Muñiz, Viveiro e Foz por valor de 110.000 euros, cofinanciados con fondos da Unión Europea.
A sesión acordou a contratación das obras de construción do primeiro parque ambiental en Becerreá. Trátanse dunhas actuacións dotadas de 57.000 euros. Desta cantidade, 11.500 euros son fondos propios da institución provincial mentres que 45.500 euros son fondos da Unión Europea, que a Deputación recibiu no marco do programa comunitario Lug02, e que está obrigada a investir en actividades que melloren as prestacións sociais nos Concellos lugueses. No caso de non facelo, perdería estes cartos.
O parque ambiental estará situado na zona próxima do parque A Carballeira de Xesteda e das piscinas municipais. O Concello xa puxo a disposición do organismo lugués este terreo co obxectivo de ofrecer os seus veciños unha ampla zona para practicar actividades que aumenten a calidade de vida. Esta dotación social contará cunha vintena de aparellos, por exemplo, barra de equilibrio, escaleira de trepa, rocódromo ou unha tironila, que poderán empregar, non só cativos, senón tamén maiores co fin de impulsar a calidade de vida dos cidadáns dun municipio onde preto do 40% da poboación supera os 60 anos.
A Xunta de Goberno aprobou un convenio mediante o cal a Deputación, dentro da súa aposta pola máxima cooperación cos Concellos, concede 30.000 euros ó municipio de Negueira de Muñiz co fin de adquirir medios para a recollida do lixo.
Nos Concellos de Foz e Viveiro, a Deputación aprobou dúas obras, enmarcadas no Plan de Comunidades Veciñais, por valor de 23.000 euros, financiados ó 100% pola Deputación. Estas actuacións consistiron na mellora do abastecemento de auga na localidade focense de Raulfe, por valor de 11.000 euros, e na rehabilitación da fonte do Cachón, na parroquia viveirense de Santa María do Campo, por valor de 12.000 euros.
Por outra banda, a institución acordou a expropiación de 66 fincas, por valor 119.364 euros, co fin de executar, proximamente, melloras en seis quilómetros da estrada de Armesto por Torés ás Nogais.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
