RIBADEO (FNC) .- O alcalde de Ribadeo, Fernando Suárez, valora de xeito positivo o número de visitantes que se achegaron a este concello durante a Semana Santa. O rexedor sinala que “segundo os datos que nos facilitan desde a Oficina de Turismo, aproximadamente 1.000 persoas se achegaron a pedir información turística sobre o noso concello e sobre a nosa comarca. E debemos revelar un dato que é que se nota un turismo de máis proximidade, dado que unha porcentaxe moi alta se circunscribe a lugares coma Galicia porque moitos dos que viñeron chegaron desde Vigo e desde Pontevedra e a comunidades veciñas como Asturias ou País Vasco e redúcense os visitantes doutro tipo de latitudes, houbo menos xente de Madrid e máis de Valladolid. Estáse a dar que nos segue a visitar moita xente, pero de máis preto de nós”.
As Catedrais
Fernando Suárez engade que “esta xoia das Catedrais recibiu unha afluencia masiva de visitantes a pesares de que non é tempo estival nin de baño, pero a chamada de atención que provoca esta praia fixo que miles de persoas acudiran a este areal que estivo en perfecto estado de revista. Toda a costa foi desbrozada por Tragsa e desde o Concello tamén reforzamos os servizos de limpeza viaria tanto pola mañá como pola tarde. As Catedrais estivo limpa e os baños estiveron abertos, pero agora debemos facer máis actuacións de cara ao verán”.
O rexedor pensa que “é o momento de que o Ministerio de Medio Ambiente atenda as nosas chamadas e singularmente unha carta que eu lle mandei hai un par de meses para que sen máis demora dea luz verde a este proxecto de consolidación de todo este entorno litoral, de adquisición de todos os terreos que hai adxacentes á costa, para que se puidera facer unha actuación de máis envergadura. A intención é poñer en valor a praia das Catedrais e ao mesmo tempo lograr máis aparcamentos que faciliten o acceso a este areal ás miles de persoas que cada verán se achegan a disfrutar desta nosa xoia”.
- Falece un ciclista en Foz
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa. - 0 programa de promoción de produtos de razas autóctonas 'Un gusto de rural, un rural degusto' da Vicepresidencia da Deputacióm estivo presente no Mercadiño no Outono, organizado este domingo polo Concello de Barreiros
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño. - Dende o martes 13 e ata o venres, 16 de outubro, ambos incluídos, permanecerán cortados ao tráfico varios treitos da estrada provincial LU-P-2601 debido ao inicio dos traballos de aglomerado en quente nesta vía que comunica Xove co Portiño de Morás
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados. - A Deputación abriu o prazo do IX Concurso de Fotografía polo 20 aniversario da Reserva da Biosfera dos Ancares Lucenses, con premios de 800, 500 e 300 euros para imaxes que reflictan a riqueza natural e cultural do territorio
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses. - Mondoñedo celebrará o sábado 17 de outubro unha homenaxe a Xosé Vizoso no Auditorio Municipal Pascual Veiga
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo. - Dúas alumnas do IES de Foz, Marta Chao e Kiara Cabado, de segundo curso do Ciclo Medio de Cociña, participarán a vindeira semana no 25 Campionato Mundial de Pizza Picante en Calabria (Italia)
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa. - Do 16 de outubro ao 15 de novembro, Mondoñedo acolle Gardiáns, o proxecto do fotógrafo lucense Jorge Arévalo que ofrece unha mirada íntima ás nosas razas autóctonas e á profunda conexión entre as persoas e os animais na nosa terra
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
2021 Crónica 3 A Mariña - Implementado por GaliciaDigital