O BURELA B DÁ A SORPRESA E FAISE CO DERBI ANTE O SUPERTI (5-1)
O Burela FS Pescados Rubén B deu a sorpresa no derbi mariñán de Terceira e sobrepúxose ao Superti Rececende (5-1), segundo na táboa, nun encontro moi serio tanto en ataque coma en defensa.
A desconfianza previa do cadro laranxa transformouse en dominio sobre a pista para crear perigo e ocasións durante todo o primeiro período, pero tamén para frear as escasas tentativas do rival. A primeira alegría para os burelistas chegou axiña, no minuto 3, aproveitando Carlos un rexeitamento tras presión sobre a portería visitante. Xa no 15, Xoia tamén culminou unha xogada individual para chegar ao descanso con 0-2.
Aínda que con inicio dubitativo, o cadro de Iván Cao, Lucas, conseguiu retomar os tempos do xogo na segunda parte e volveron os goles, no minuto 29, Arón, tras un roubo, e no 31, Carlos rematou unha xogada ao segundo pau. A reacción dos da Pontenova foi optar polo xogo de cinco, neutralizado polo sacrificio laranxa en defensa e a rigorosidade de Brais baixo os paus. Xa no último tramo, no minuto 38, Jairo puido estrear o luminoso visitante, tras un perda burelista, pero Arón (39) reapareceu para reafirmar a xusta vitoria local.
Ficha técnica
Burela FS B: Brais, Bruno de Nois, Souka, Carlos e Keko, no cinco inicial; tamén xogaron Xoia, Hélder, Arón e Pichi.
Superti Rececende: Javi, Mario, Pablo, Jairo e Josiño, no cinco inicial; tamén xogaron Marcos, Antón e Diego Coe.
Goles: 1-0, minuto 3, Carlos; 2-0, minuto 15, Xoia; 3-0, minuto 29, Aron; 4-0, minuto 31, Carlos; 4-1, minuto 38, Jairo; 5-1, minuto 39, Arón.
Árbitros: Franco Veiga e Castro Bermúdez
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
