O goberno local lamenta que a Deputación gaste 1,2 millóns en propaganda e non teña cartos para os terreos anexos ao Museo do Mar
-Asegura que a partida para publicidade e propaganda crece nun 30% mentres segue sen aparecer “nin un céntimo” para mercar a parcela
Cervo, 7 de decembro de 2012-O goberno de Cervo lamentou hoxe que a Deputación “se escude nunha ausencia de cartos para non mercar os terreos contiguos ao Museo do Mar para poder amplialo” mentres destina cantidades “millonarias” a gastos de publicidade e propaganda. “É asombrosa a lixeireza coa que din que non teñen diñeiro mentres os orzamentos provinciais demostran que teñen cartos, pero só para o que eles queren, e vese que ampliar o museo non lles interesa” explica o grupo de goberno.
O Goberno da Deputación gastará o ano que vén 1,2 millóns de euros en publicidade e propaganda. “A contía é moi avultada e excesiva para un goberno provincial” explica o executivo municipal, “pero o máis grave é que aumenta nun 30% con respecto ao ano anterior, é dicir, que se destinan 280.000 euros máis que no 2012”. O grupo de goberno considera “inadmisible” que esta partida se incremente “mentres toda a Mariña segue en vilo polo futuro do Museo do Mar, vendo como a ampliación segue agardando e como a Deputación é a única que non a considera prioritaria”.
O equipo de goberno lembra que o Concello só pide o mesmo que reclamara no 2005 o BNG de Cervo e que o PP apoiou co seu voto a favor: a compra dos terreos. “A moción que presentamos no último pleno da corporación, o pasado mércores, tiña o mesmo obxectivo, pero aínda así, os grupos da oposición preferiron absterse e en consecuencia, dicir que non á adquisición da parcela” explica o goberno municipal.
“Qué cambiou do 2005 ao 2012? Que no 2005 PSOE e BNG non gobernaban a Deputación, e pedir era fácil. Hoxe si que gobernan, pero os cartos non se poden gastar en comprar o solar porque hai que reservalos para facer publicidade dos seus logros” engade o executivo local “como todos os investimentos que teñen feito en instalacións deportivas en concellos como Ribadeo ou Monforte, aos que destinaron 1,7 millóns de euros” engade o goberno municipal.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
