Unha finca cedida para un fin, que na realidade, nada ten que ver co acordado inicialmente
López Penabad: “Logo de que os veciños de Piñeira cedesen os terreos para construír unha área recreativa, Suárez Barcia destinaa a depositar entullos”
. Os veciños de Piñeira cederon os terreos, da súa propiedade, ao Concello para que este construíse unha área recreativa; desgraciadamente, atópanse que doaron as fincas para desempeñar a función dunha entulleira
. Unha vez depositados na finca os restos de podas, estes quéimanse, polo que se poñen en perigo unhas cabanas de madeira que se atopan nunha finca colindante
Ribadeo, 13 de decembro de 2012.- O Presidente do Partido Popular de Ribadeo denunciou esta mañá o incumprimento por parte do rexedor logo de empregar unha finca, cedida polos veciños, cun fin totalmente distinto ao acordado a priori.
“Os veciños de Piñeira cederon unha finca, da súa propiedade, ao Concello coa condición de que este construíse unha área recreativa. O rexedor, en vez de levar a cabo o acordado, deposita no lugar os restos de podas, que logo as queima”- denuncia López Penabad.
O popular ribadense critica ademáis o perigo que supón a queima destes restos, xa que na finca colindante atópanse cabanas de madeira que o propietario construíu para refuxio de gando.
“Que Suárez Barcia empregue a finca con fins que non se acordaron é motivo de denuncia, xa que foi un engano aos veciños pero que a maiores, se queimen os entullos, pon en perigo a vida dos animais que se refuxian nas cabanas da finca colindante”- manifesta Jesús López Penabad.
O Presidente do PP de Ribadeo afirma que non se pode enganar aos veciños posto que se ilusionaron con poder disfrutar dunha área recreativa e o que están a ver e como día tras día se están a acumular entullos para logo queimarse, poñendo en perigo a vida de animais que se refuxian en cabanas de madeira situadas na finca colindante.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
