O BNG DE FOZ PRESENTA UNHA MOCIÓN PARA QUE SE MANTEÑA O SERVIZO DE TELEASISTENCIA DOMICILIARIA NO CONCELLO
O vindeiro 1 de xaneiro os usuarios e usuarias de Foz quedarán sen atención por eliminar as partidas o PP
Foz a 27 de decembro de 2011.- O BNG de Foz levará a pleno unha moción de urxencia para que o Concello de Foz inste ao Ministerio de Servizos Sociais e Igualdade a rectificar a decisión de retirar a partida orzamentaria que, a través do IMSERSO, se dedicaba a cofinanciar nun 65 por cento o servizo de Teleasistencia Domiciliaria, sendo o 35 por cento restante asumido polas deputacións provinciais. En todo caso e para que o servizo siga funcionando o BNG reclamará da Xunta de Galiza que nos Orzamentos da Xunta para 2013 habilite unha partida para este fin, facéndose cargo así das responsabilidades que o Executivo central se nega a asumir.
O servizo de Teleasistencia Domiciliaria leva funcionando desde 1992 como un recurso para permitir ás persoas maiores permanecer no seu medio habitual de vida e ante unha situación de risco, premendo un botón que levan pendurado nunha pulseira ou nun colar, entrar en contacto directo cun centro de atención continuada e especializada dispoñible as 24 horas do día todos os días do ano que mobiliza os recursos precisos para resolver a emerxencia aparecida.
A provincia de Lugo rexistra un dos índices de avellentamento máis altos do estado do que non se escapa o Concello do Foz; na actualidade, 1.537 lucenses son atendidos pola Teleasistencia Domiciliaria, dos cales 334 son da Comarca da Mariña e 26 deles pertencen ao Concello de Foz. A maioría dos beneficiarios deste servizo na provincia son mulleres, moitas das cales viven soas e no 76,68% dos casos superan os 80 anos. Constitúen un grupo cunhas características moi determinadas que precisa dunhas atencións e duns coidados especiais dada a súa vulnerabilidade e fraxilidade e que sen este servizo quedarían totalmente desprotexidas.
A necesidade deste servizo queda demostrada na nosa provincia polos casos resoltos neste ano, 780 emerxencias socio-sanitarias, e polas máis de 34.298 chamadas dos usuarios e usuarias. Sen este servizo moitas desas situacións terían tráxicas consecuencias. Como medida para paliar esta inxustiza social, a Deputación de Lugo remitiu unha proposta de acordo aos concellos da provincia para o financiamento do servizo no que incrementa a dotación orzamentaria destinada polo ente provincial do 35% ao 50% e propón aos concellos que asuman o 50% restante, iniciativa que logrou a permanencia do servizo e que todos os concellos da comarca mariñá asinaran esta proposta.
Pero esta solución non fai renunciar ao BNG a esixir do goberno do Estado o cumprimento das súas obrigas rectificando a decisión de retirar o financiamento existente até agora para este servizo, porque non se lle pode seguir “cargando o carro” aos concellos, os máis castigados desde o punto de vista da repercusión de custes de todos estes recortes nos servizos sociais.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
