O EQUIPO DE GOBERNO BURELÉS PÍDELLE “RIGOR E SERIEDADE” Á OPOSICIÓN SOBRE A NOVA ESCOLA INFANTIL. FERNÁNDEZ VALLE AFIRMOU QUE “A VENDA DE SOLARES EN TORRENTES SÓ SE DESTINARÁ PARA SUFRAGAR A PARTE QUE NOS CORRESPONDE DA OBRA DA GARDERÍA” E LEMBROU QUE “TIVERON CATRO ANOS PARA FACER ALGO POLA NOVA GARDERÍA E XA SE VIRON OS RESULTADOS”.
Burela, 27 de decembro de 2012. O portavoz do equipo de goberno burelés, Manuel Fernández Valle, afirmou hoxe que “os grupos da oposición non teñen unha alternativa real para a gardería, e ademais están tentando enganar aos cidadáns sobre a venda de fincas en Torrentes para financiar a parte das obras que ten que pagar o Concello”.
Fernández Valle manifestou que “o PP ten as ideas claras: Burela precisa unha segunda escola infantil, porque hai demanda para a mesma a pesares do que di a oposición, e polo tanto nós estamos apostando por ela, asumindo os esforzos que hai que asumir e aproveitando o único marco legal que existe para poder construíla”.
O portavoz do Grupo Popular dixo que “os grupos da oposición están en contra de que o Concello financie parte da obra e de que aporte terreos para a nova escola infantil. Fixeron o mesmo coa actual escola infantil e a súa ampliación, fixeron o mesmo para a construción do Centro de Saúde, e tamén coa construción da Casa Consistorial e da Praza do Concello. Foi sempre a mesma cantinela, polo que de gobernar eles seguramente que a estas alturas non habería nin a actual gardería, nin o Centro de Saúde nin a Casa e a Praza do Concello”.
Manuel Fernández Valle indicou que “o único marco legal, e non hai outro, que existe para facer a nova escola infantil é o convenio que asinamos coa Xunta, e sobre ese marco legal é sobre o que hai que falar e sobre o que hai que negociar, pero sempre e en todo lugar despois de asinalo. Porque se non o asinamos perdemos o investimento da Xunta, e polo tanto quedámonos sen nova escola infantil”.
O portavoz popular engadiu que “o plantexamento do PSOE de adaptar a Praza de Abastos, onde se ubica Capitanía, para facer unha gardería, é unha idea descabellada que se descualifica por si sola xa que a configuración do edificio non se adapta ao uso pretendido, para nenos de 0 a 3 anos. E se tiñan tan claro que se podía facer na Casa do Mar, resulta que cando gobernou o bipartito tiveron catro anos para facer o que pensaban que había que facer pero non o fixeron, e se non o fixeron será por algo”.
No tocante á venda de fincas de Torrentes para financiar a construción da nova escola infantil, Fernández Valle sinalou que “o patrimonio municipal en solares está para o que está; tal e como di a lexislación vixente, para investir única e exclusivamente en patrimonio municipal do solo, é dicir, para obras, e non para festas e despilfarros. Polo tanto, venderanse fincas de Torrentes, propiedade ao cento por cento do Concello, única e exclusivamente para sufragar a parte das obras da nova escola infantil que lle corresponde abordar ao Concello, e para ningunha outra cousa máis. Non está previsto vender fincas de Torrentes para outro concepto que non sexa este”.
Polo tanto, o portavoz do equipo de goberno pediulle á oposición “algo máis de seriedade e rigor nestes temas; porque ao final resulta que cae antes un mentiroso ca un coxo. Non vale de nada dicir si e non ao mesmo tempo sen dar alternativas. Eles durante o bipartito tiveron catro anos para facer algo pola nova escola infantil e xa se ven os resultados, non fixeron nada. Agora que comezamos a andar, poñen pegas por todos os lados. Se investiran o millón cen mil euros que había en facturas sen pagar en obras, seguro que estaríamos falando doutras cousas, pero gastaron os cartos e non pagaron e por riba non fixeron obras”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
