O PSdeG de Lugo amósase “sorprendido” de que “as grandes preocupacións de Barreiro sexan Besteiro ou o futuro PSOE” mentres “a provincia vai en picado”
“Pensabamos que o presidente do Partido Popular ía achegar hoxe a solución para Alcoa ou para Cosmos, ou algunha medida para os 28.000 parados da provincia, ou ía anunciar a Hemodinámica para Lugo, pero lamentamos que diso non teña moito que dicir”, afirman os socialistas
O PSdeG-PSOE de Lugo amosa a súa “sorpresa” tras a mensaxe transmitida polo presidente dos populares lucenses e voceiro do PP no Senado, José Manuel Barreiro, esta mañá tras reunir os medios de comunicación nun encontro informativo, xa que “as grandes preocupacións de Barreiro son Besteiro ou o futuro do PSOE” mentres “a provincia vai en picado”. Os socialistas afirman estar decepcionados porque pensaban que unha cita de tal importancia sería para lanzar unha mensaxe “relevante para os e as lucenses” como “a solución para Alcoa ou para Cosmos, da que hoxe hai nefastas noticias, algunha medida para os 28.000 parados da provincia, ou o anuncio da Hemodinámica para o HULA, pero parece que diso non ten moito que dicir”, lamentan.
O PSdeG lucense refírese deste xeito ás declaracións do popular sobre o secretario xeral e presidente da Deputación, José Ramón Gómez Besteiro, “non referidas nin sequera a temas concretos de xestión que afecten aos cidadáns, senón a valoracións persoais”, e sobre o futuro do PSOE, do que opina que “sería positivo que atope o seu horizonte”, dixo. “Desde o PSdeG de Lugo cremos que máis positivo sería nestes difíciles momentos que o señor Barreiro se centrase en atopar un horizonte para todos os desempregados e para a ruína á que están levando á nosa provincia, que xa non parece pouco horizonte, en lugar de estar preocupado por outras cousas”.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
