CONSTITUÍDA A COMISIÓN QUE SE ENCARGARÁ DE ORGANIZAR O ENTROIDO DE 2013 E 2014. A VINDEIRA XUNTANZA PARA IR PERFILANDO O PROGRAMA SERÁ O 16 DE XANEIRO, SEGUNDO A CONCELLEIRA DE CULTURA, MÓNICA PEDRE.
Burela, 10 de xaneiro de 2013. O Concello comprometeuse a aportar para a alfombra das festas patronais o mesmo que o ano pasado. Ademais quedou constituída a comisión que se encargará de organizar os actos do entroido de 2013 e 2014.
Pedre relatou que “na xuntanza que mantivemos onte pola tarde no Concello entre a comisión de festas de Burela, a comisión que se encargará de elaborar a alfombra floral e o alcalde, púxose de manifesto que o Concello, como mínimo, aportará para a alfombra deste 2013 o mesmo que o ano pasado, poñendo a disposición da comisión da alfombra todos os recursos existentes”.
Na tarde de onte tamén tivo lugar unha reunión coas asociacións para a organización do entroido. A concelleira de Cultura indicou que “se creou unha comisión formada por catro colectivos representativos, que serán xunto co Concello, os encargados de levar o peso da organización e actuarán de transmisores cos colectivos máis afíns en canto a obxectivos. O vindeiro 16 de xaneiro voltaremos a ter un encontro para ver as posibles actividades a realizar”. E como novidade adiantou que “en principio esta comisión seguirá a funcionar despois do entroido para preparar xa o do 2014”.
Comedores escolares
Por outra banda hoxe foron aprobadas as bases para a contratación de catro coidadores para os comedores escolares, “co obxectivo de cubrir os postos doutras tantas coidadoras que por distintos motivos causaron baixa. As bases non puideron aprobarse antes por cuestións de tipo xurídico, e aínda que as persoas que cubran eses postos está previsto que se incorporen canto antes, mentres iso non ocorra o Concello arbitrará unha fórmula para que alomenos durante a hora da comida os nenos e nenas dos dous CEIPS estean debidamente atendidos”, sinalou Mónica Pedre.
A tamén concelleira de Educación manifestou que “isto volve demostrar a sensibilidade do equipo de goberno do PP coa educación e coa conciliación da vida laboral e familiar”.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
