O BNG reuniu onte en Burela a afiliados e simpatizantes para recoller as súas achegas e propostas, de cara a enriquecer o proceso de reflexión que se está a dar na organización e que culminará nunha Asemblea Nacional que terá lugar o próximo 17 de marzo en Compostela.
Desde o Consello Local do BNG en Burela valoramos moi positivamente a xuntanza mantida, pois fixéronse numerosas e interesantes achegas por parte das persoas asistentes, contribuíndo a enriquecer o debate e a dinamizar o proceso de reflexión aberto na organización.
Este tipo de xuntanzas abertas estanse a desenvolver nas distintas localidades, encadradas dentro do programa #proponconnosco que o BNG está a promover entre a súa base social.
Por outra banda, no que se refire á política institucional, o BNG de Burela, cualifica como “despótica e autoritaria” a actuación do Sr. Alcalde no último pleno municipal celebrado o pasado xoves. O Sr. Barcia demostrou unha vez máis que antepón os intereses do seu partido aos intereses e necesidades reais dos veciños e veciñas de Burela, como quedou de manifesto no rexeitamento de todas e cada unha das mocións presentadas polo Grupo Municipal do BNG.
Ao PP de Burela parece importarlle pouco ou nada a seguridade dos nosos traballadores e traballadoras do mar, aínda que recoñeceu “un problema puntual” no caso da percebeira de Noia, falecida polo retraso dos servizos de salvamento marítimo, servizo que era de titularidade pública e que a Xunta de Galiza ven de adxudicar a unha empresa privada, que ademais cobrará aos mariñeiros polos servizos realizados. O Sr. Barcia tamén recoñeceu que “neste momento non se conta con pilotos formados para realizar labores de salvamento”. Para o BNG, a perda de vidas humanas non é “un problema puntual”, é algo moi serio e que desgraciadamente coñecemos moi de preto en Burela, polo que imos seguir a demandar uns servizos de salvamento públicos, eficaces e gratuítos para minimizar no posible os grandes riscos que implica o traballo no mar.
O PP de Burela tampouco foi capaz de asumir a proposta presentada pola Plataforma de afectados polas preferentes e subordinadas da Mariña, rachando co consenso acadado noutros concellos da Mariña, moitos deles gobernados tamén polo PP. O Sr. Alcalde, non contento con rexeitar esta proposta, presentou unha moción do seu propio partido como “proposta de alcaldía”, o que demostra que ou ben non distingue entre cargo orgánico e cargo institucional, ou ben esquece que é o alcalde de todos e todas, e non só dos votantes do PP. O grupo municipal do BNG defendeu a moción proposta pola Plataforma, para que se continúen as arbitraxes ao ritmo que se estaban facendo até as eleccións galegas, para que non se impoñan as quitas e se devolvan o 100% dos cartos investidos.
Tanto no Congreso dos Deputados como no Parlamento de Galiza, o BNG ten reclamado a impugnación do decreto que permite “expropiar” os cartos das preferentes. Tal e como ten manifestado o Bloque desde as diferentes tribunas públicas e institucionais, non é de recibo a saída que se lle dá a este colectivo, a de impoñer unha quita que pode chegar até o 70 por cento dos cartos investidos e abonar o resto en forma de accións, accións que no caso dos que subscribiron as preferentes coas antigas caixas galegas non poderán vender porque Nova Galicia Banco está intervida.
O Sr. Barcia tampouco se mostrou moi dialogante nas preguntas realizadas pola portavoz do BNG, Neves Cando, e non quixo aclarar os motivos das viaxes polas que pasou 7.286 € en dietas desde xaneiro a novembro de 2012. Sabemos que foi a Madrid facer unha foto coa ministra Ana Pastor, mais aínda non sabemos que xestións fixo nesa reunión nin que beneficios acadou para Burela. O grupo municipal do BNG xa ten formulado preguntas neste sentido ao Sr. Alcalde, incluso por escrito, sen que este teña dado ningunha resposta ate o momento. Aínda que no pasado pleno o Sr. Alcalde xa nos deixou claro que vai contestar “se lle dá a gana”.
Esta é a actitude do Alcalde, unha actitude “soberbia, prepotente e despótica”, antepoñendo sempre os seus intereses partidistas aos da maioría dos veciños e veciñas. Desde o BNG de Burela continuaremos a demandar unha política que procure o benestar de todos os veciños e veciñas.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
