7ª xornada de LNB NorLeste. Sábado 2 febreiro 2013
Charli ou Varado, que tanto monta…
A praza do convento de Meira ofrece un entorno acolledor e agradable que a LNB adoita empregar para a práctica da billarda, nembargantes o vento e a choiva escorrentaron os palanadores cara o pavillón deportivo, onde se desenrolou a 7ª xornada da Conferencia NorLeste.
Era visto!
As billardas voaron cara o varal. Os especialistas tíñano doado e mesmo os non tan habilidosos nestes menesteres, aproveitaron a pista rápida para asomarse e deixar selo na taboa de “varadistas”. En poucas ocasións o varal se viu tan acribillado. As naves de buxo fungaban por tódolos lados, por dentro, por fora, por riba, por baixo….
Un espectáculo que soio se pode ver na LNB e no que sen dúbida brillou por riba de todos o gran Charli, palanador de “Carabullo” que finalmente gañou o seu primeiro aberto en liga, consolidándose de forma maxistral no primeiro posto da táboa, tanto en individual como en varados.
Na procura da pata do porco, achegáronse a Meira mais de medio cento de palanadores para se enfrontar deportivamente, cada quen amosando as súas mellores habilidades no dominio do palán.
A rapidez da pista de xogo favoreceu as sorpresas, aínda que cada quen foi capeando o temporal como mellor puido e Charli desta volta non deu opción aos seus rivais, fixo pleno, con tres varados incluídos, nas cinco carreiras.
Unha sorpresa, que nono foi tanto pola ascendente traxectoria desta excelente palanadora, foi Lu do equipo Corredoiras, que chegada dende Bueu, tamén rematou a súa andaina con pleno de victorias.
Para o terceiro posto, seis foron os aspirantes, todos eles con oito puntos sobre dez posibles: Franco, Nacho, Luis González, Cortón, Oscar e Noé. Foi o palanador de “Troitas Bravas” de A Pontenova Noé o que mellor respondeu no desempate e se fixo co terceiro caixon do podio.
A loita polo primeiro posto foi como un lóstrego visto e non visto. Lu non puido rpmpela racha de Charli. Un varado na primeira carreira e como non outro varado na segunda deron co lacón nas mans de Charli. Lu quedou nun moi bo e merecido segundo posto.
“Os Outros” seguen perdendo gas, baixan un posto mais en favor dos meiregos “Tropa Lixeira” que ahora son segundos tralos “Billardeiros Musicais”. Os gañadores por equipos nesta xornada, foron os tamén meiregos “Extensión Billarda”.
Cabe subliñar a volta de Suso Villarino as pistas de xogo, logo de se ter recuperado da súa doencia. A reincorporación dun dos máximos referentes da LNB é unha excelente nova da que nos alegramos. Benvido de novo Suso!
As clasificacións quedan así
Individual: Charli 58 p., Marcos 53 p., Daniel, Oscar e Richar 51 p.
Equipos: Billardeiros Musicais 194 p., Tropa Lixeira 185 p., Os Outros 180p.
Varados: Charli 10, Regueiro 8. Eric 5, Daniel e Oscar 4.
A VIII xornada “IV Aberto da Tarta” xogarase en Mondoñedo 23 de febreiro. Non faltedes que a liga está que arde.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
