A ASOCIACIÓN VEA RECIBIU OS 3.000 EUROS DA PAGA EXTRA DE DECEMBRO DO ALCALDE E DO CONCELLEIRO DE OBRAS. AMBOS DECIDIRON CEDELA A UNHA ENTIDADE SEN ÁNIMO DE LUCRO.
Barreiros, 16 de febreiro de 2013. A asociación VEA de Barreiros recibiu do alcalde, Alfonso Fuente, e do concelleiro de Obras, Lorenzo Penabad, os 3.000 euros da paga extra de decembro que ambos decidiron destinar a un fin solidario.
O rexedor explica que “tanto o concelleiro de Obras como eu vimos de cumprir aquel compromiso que adquiriran todos os membros do Partido Popular en todos os Concellos, e que tamén era un compromiso noso. Igual que lles pasou a moitos traballadores do Concello e a funcionarios de quedar sen a paga extra, nós ao que nos comprometeramos, como non era unha obrigación o ter que renunciar a ela, foi en cedela a unha entidade sen ánimo de lucro”.
Tanto o alcalde coma o concelleiro de Obras entenden que “a asociación VEA está facendo un traballo moi importante no noso concello, en canto á acompañamento de maiores, no roupeiro, etc., unha serie de tarefas importantes que nos parece que nestes momentos están sendo moi valoradas polos veciños, complementando outras actividades que xa se veñan facendo desde o Concello. Polo tanto consideramos que había que axudarlles”.
Coñecedores de que “esta asociación tiña pedido axudas a outras administracións e que non llelas deron e evidentemente, aínda que esta xente é voluntaria, teñen que afrontar gastos de locomoción, entre outros. Colaboran tamén coa organización do Día Solidario no noso concello traballando por outra xente que o necesita e cremos oportuno que deberíamos cederlles a nosa paga extra e así o fixemos. Cumprimos o noso compromiso de ceder esa paga extra a esta asociación que traballa, en definitiva, polos demais, igual que o ven facendo o Concello, que traballa polos veciños”.
VEA (Voluntad, Entrega e Acción) nacía hai un ano en Barreiros. Segundo explican a súa presidenta, Mª Paz Redondo, e a secretaria, Pamela Broz, “temos un un grupo de teatro que fai representacións de concienciación social, coincidindo con datas coma o día da muller traballadora ou o día internacional contra a violencia de xénero. Participamos en varias campañas de recollida de tapóns. O primeiro envío foi efectuado para un neno de nome Álex do Baixo Miño e agora faremos un segundo envío en breve a Lugo para Uxía”. Desde VEA “tentamos tamén cubrir as necesidades sociais de familias con escasos recursos do noso concello e apoiamos ao grupo de voluntariado local no acompañamento de persoas maiores, no roupeiro, na recollida e no reparto de alimentos e tamén no Día Solidario que eles organizan”. En VEA traballan de xeito altruísta sete persoas.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
