A CONSELLERÍA DE MEDIO AMBIENTE ASINARÁ UN CONVENIO CO CONCELLO PARA PAVIMENTAR A AVENIDA DE SOUTELO. FOI UN DOS COMPROMISOS ACADADOS POLA ALCALDESA NA XUNTANZA QUE MANTIVO CO CONSELLEIRO AGUSTÍN HERNÁNDEZ.
Lourenzá, 16 de febreiro de 2013. A alcaldesa de Lourenzá, Emma Álvarez Chao, reuniuse en Santiago co conselleiro de Medio Ambiente, Infraestruturas e Territorio, Agustín Hernández, para solicitar a colaboración dese departamento da Xunta en varios asuntos de interese para o municipio.
Un dos temas abordados na xuntanza foi a situación na que se atopa a avenida de Soutelo, “unha rúa construída a finais dos anos 70, na que está practicamente levantado o pavimento e tendo en conta que se trata do único acceso ao colexio público, ao punto de atención á infancia, á casa da xuventude, ao polideportivo, incluso ao núcleo de Soutelo, utilizándose tamén como zona de paso para o núcleo de Alaxe, na parroquia de San Xorxe, considerou importante facer un convenio co Concello para amañar este pavimento. É unha noticia moi importante para Lourenzá debido ao tráfico que ten esta rúa”, explicou a rexedora.
Emma Álvarez e Agustín Hernández tamén falaron de facer unha praza pública no Campo dos Bolos, “para o cal me pediu unha valoración económica en forma de memoria para poder estudalo eles e levalo en vindeiros exercicios económicos”, comentou a alcaldesa, quen ademais propuxo ao conselleiro “facer un enlace que una a estrada da Deputación que vai desde San Xorxe ata Arroxo coa Nacional 634 para facela máis accesible para incorporarse posteriormente á autovía A-8”.
Outro asunto tratado na reunión foi o saneamento de Requeixo, “que vimos arrastrando dende o ano 2011 por distintas cuestións sobre modificacións de proxectos que tivemos que facer. Aínda está parado e neste momento concretamente estamos á espera de que nos dean licenza para atravesar unha estrada da Deputación. Con todas as variacións houbo un incremento do presuposto inicial de máis de 10.000 euros e estamos a falar dunha inversión de preto de 300.000. Comprometeuse a asumir e facelo en dúas anualidades posiblemente”, anunciou Emma Álvarez, quen tamén falou con Agustín Hernández das dúas vivendas de promoción pública para alugar que foron construídas na etapa do goberno bipartito da Xunta. “Están na rúa Rego Vilazo e, ao meu xuízo e ao de todos os que as vimos, son inhabitables e a idea é facer un estudo para remodelalas á fin de que algunha persoa que está esperando unha vivenda en aluguer poida acceder a ela, posto que todas as veces que foron sacadas a concurso todos os adxudicatarios renunciaron a elas, explicou a alcaldesa.
Álvarez Chao rematou dicindo que “a valoración desta xuntanza é moi positiva, non soamente polos compromisos adquiridos por parte de Agustín Hernández, sobre todo a remodelación da avenida de Soutelo, senón tamén polas conclusións que puidemos sacar e pola información técnica que me deu sobre moitos dos temas tratados nesta reunión”.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
