A Deputación de Lugo e a Federación de Asociacións Veciñais da provincia ofrecen unha nova tempada de cursos gratuítos, enmarcados no Plan de Dinamización de Zonas Verdes da cidade, cos que ofrecen formación de xeito totalmente gratuíto a aqueles lucenses interesados en crear e manter hortos e xardíns.
Estes cursos forman parte dunha iniciativa que comezou coa cesión de terreos na zona do río Rato e da Ponte de Paradai á Federación Veciñal, nos que centos de lucenses habilitaron hortos nos que cultivan as súas propias froitas e verduras, contribuíndo así á dinamización destas zonas verdes e ó impulso dos produtos autóctonos, obxectivos principais deste Plan. Estes cursos organízanse grazas á axuda económica da institución provincial, que se inviste na contratación de profesionais expertos que prestan asesoramento e axuda ós “agricultores”, ademais de noutros fins coma, por exemplo, a compra de sementes.
Cursos de marzo a decembro
Estes cursos acadan ano tras ano unha grande aceptación entre os lucenses, o que amosa o dato de que en cada edición participen entre 200 e 300 lucenses. Os cursos programados neste ocasión son os seguintes:
– Poda e enxertos
– Árbores froiteiras
– Especies forestais
– Traballo en invernadoiros
– Hortos ecolóxicos
– Flores e plantas mediciñais
Estas accións formativas darán comezo no mes de marzo, celebrándose todos os sábados do mes ata finais de ano, coa excepción dos meses de xullo e agosto, nos que non haberá formación. En cada unha das edicións destes cursos hai dispoñibles unhas 20 ou 30 prazas e todos eles teñen unha duración aproximada de 8 horas, a maior parte das cales estarán adicadas a poñer en práctica os coñecementos adquiridos. Esta é a razón pola que os cursos se desenvolverán nas casetas de madeira que na zona do Rato ten habilitadas a Federación Veciñal.
Ó remate, os participantes obterán un diploma acreditativo da súa participación e aproveitamento. Para máis información e inscrición, os interesados só terán que poñerse en contacto coa Federación de Asociacións Veciñais nos teléfonos 982 20-37-21 ou 982 80-16-92
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
