O Grupo Municipal do partido Independientes de Viveiro (iVi) considera que Gerardo Harqhuindey Banet é merecedor de dar nome a unha avenida da vila. Polo mesmo, propoñen ao Pleno do Concello debater a asignación do nome de D. Gerardo Harguindey Banet á avenida que vai dende o cruce de Celeiro (na actualidade Avda Ramón Canosa) ata a cofradía de pescadores.
O concelleiro Guillermo Leal considera que “Harguindey Banet foi un home clave para o desenvolvemento da pesca na costa de Lugo, e de de Celeiro en particular, pero tamén incluso noutros aspectos, como o da creación do Hospital da Costa”.
Gerardo Harguindey Banet, naceu en Lugo o 29 de maio de 1937 e finou en Madrid o 25 de setembro de 1998. Estudou o bacharelato no Colexio dos Maristas de Lugo e licenciouse en Dereito na Universidade de Santiago de Compostela en 1964. Foi Subsecretario do Ministerio de Traballo (1977-1980), Conselleiro didáctico (1964) e Vicesecretario Xeral do Instituto Social da Mariña, delegado Provincial (1965-1970), director dos Servizos Provinciais de Madrid ata 1971 cando foi nomeado Vicesecretario xeral. Foi asesor da delegación gobernamental española nas Reunións Marítimas da Conferencia Internacional de Traballo (Xenebra 1970 e 1976). Tamén foi senador da UCD por Lugo (1977-1979), deputado do Centro Democrático y Social na Asemblea de Madrid (1987-1991), senador do CDS por Madrid (1989-1991). Foi presidente rexional de Madrid do CDS.
O sector pesqueiro de Celeiro brindáralle unha homenaxe póstuma no ano 2005. Naquela ocasión interviron o Patrón Mayor da cofradía de Celeiro Santiago Apóstolo de Celeiro, Domingo Rey Seijas; Antonio Nores Quesada, subdirector provincial do Instituto Nacional de la Seguridad Social (naquela data) e ex director provincial do Instituto Social da Marina, e na actualidade Director Provincial do Instituto Nacional da Seguridade Social, o que fixera unha semblanza do homenaxeado. Rematara o acto Vicente Gradaílle Trobo, ex Patrón Maior de Celeiro, párroco emérito de Santiago de Celeiro, recentemente falecido en xaneiro de 2012, onde explicara o que fixera Harguindey polo sector pesqueiro local. Tamén participara o alcalde de Viveiro, Melchor Roel Rivas.
Aquela homenaxe fora cualificada polo sector como «algo xusto, lóxico e merecido». A Harguindey débenselle, a implantación das casas do mar da provincia de Lugo, pero tamén propiciou a consecución das primeiras licencias de pesca comunitaria que se asignaron á flota lucense.
En palabras de Vicente Gradaille, no seu resumo con motivo da celebración das súas vodas de ouro sacerdotais, no ano 1999, citaba: “A él le debo mucho de lo que pude hacer socialmente por Celeiro, a Don Gerardo Harguidey Banet un hombre horado y con muchas ganas de ayudar al colectivo de mar”. “El pueblo tiene con el una deuda que todavía no se le ha reconocido”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
