O filme “Mrs Smith e Mrs Wesson”, do director de Matalobos Jorge Saavedra, preséntase tamén en Ribadeo. Será no Cine Teatro o venres 22 ás 21.30 horas. Posteriormente está programado un monólogo para ás 23.30 horas no Molino. Pero non é a única cita na localidade para esta fin de semana. O Concello de Ribadeo comeza este ano a celebración do Día de Rosalía. Este domingo ás 13.30 horas na rúa San Francisco (e se chove no Teatro) veciñas e veciños da vila farán unha lectura pública de “Cantares gallegos” acompañados da música de Montserrat Expósito e Ludmila Orlova. Finalmente, o grupo de teatro do Colectivo Ollomao de Barreiros presenta, baixo a dirección de Comba Campoy e Ramón Casas, “Os vellos non deben de namorarse” de Castelao. Será no Hernán Naval ás 19.30 horas cun prezo da entrada a 3 euros. Cómpre sinalar tamén que o sábado ás 17.30 horas haberá unha actividade gratuíta de lectura para os máis pequenos na biblioteca.
Estreo dunha curtametraxe e actividades culturais en Ribadeo
Relacionado
-
A conselleira do Medio Rural, María José Gómez, asistiu este sábado á celebración do XXXIV Mercado Medieval de Mondoñedo, que se celebra ao longo desta fin de semana
-
A Deputada de Réxime Interior, Promoción do Territorio e Turismo, Pilar García Porto, participou este sábado na Escola da Liga Santaballesa de Vilalba na presentación da programación das XVI Xornadas sobre migración indianas e da XVI Feira do Indiano, que se celebrarán o vindeiro 12 de setembro
-
O Restaurante & Catering Los Olivos, xunto á praia de Navia, organizará o 12 de agosto unha espicha especial para seguir o eclipse desde unha localización destacada, segundo o astrónomo Hugo García Fernández
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
