Mourinho e Rajoy parécense máis do que creen. Ambos son do Real Madrid. Un é portugués e outro galego, ou sexa, limítrofes. Os dous son cincuentóns, líderes, mandan moito e a ós dous gústalles estar no papel. Cando a cousa está caldeada e non lles interesa saír á palestra, envían aos seus subordinados a que dean a cara por eles. O adestrador do Real Madrid manda a Karanka a que asista ás roldas de prensa mentres que o presidente do Goberno pide a Sáenz de Santamaría ou Cospedal que lle substitúan nas comparecencias públicas. O que diferencia fundamentalmente a Rajoy de Mourinho é a claridade. Mentres o portugués é contundente e directo nas súas manifestacións, o galego é ambiguo e confuso. Mentres a xente espera as comparecencias do primeiro para aclararse, abomina das do segundo porque a súa especialidade é desconcertar máis ao persoal. Cando fai unha xira latinoamericana, confunde Cuba con Perú ante a gargallada dos comparecentes. E aquí non dá a cara e cando o fai non permite preguntas aos xornalistas. É un busto parlante instalado na pantalla do televisor.
Cando está fóra non lle queda máis remedio que comparecer xunto aos estadistas doutros países. Estes días, logo de esconderse entre os seus para non contestar ás incómodas preguntas sobre o caso Bárcenas, tivo que saír do caparazón en Alemania, xunto a Merkel, para reiterar o que xa dixo, camuflado entre os seus correligionarios, uns días antes en Madrid.
Rajoy asegura que o financiamento do seu partido é transparente, algo que ninguén se cre porque ata a dos partidos máis pequenos é opaca. Negou tamén que no PP repártanse sobres con diñeiro negro para premiar aos seus dirixentes. Nas terras de Alemania repetiu que todo é falso, excepto o que non o é, nunha intervención que estivo a metade de camiño entre Pedro Rodríguez, Faemino e Cansado e Martes e Trece.
Si Sócrates levantase a cabeza podería unirse a Rajoy e formar un dúo cómico. “Todo é falso, excepto o que é verdade”, sentenciaría o galego. “Eu só sei que non sei nada”, respondería o grego. A diferenza é que Sócrates permitiría toda clase de preguntas esclarecedoras para buscar a verdade mentres que Rajoy escondeuse baixo o refaixo alminoado de Merkel sen admitir a quenda de palabra.
Alfonso Otero Regal
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
