Ribadeo, 25 de febreiro de 2013. O Centro Comercial Aberto de Ribadeo e Xoiería Carreira protagonizan desde hoxe e ata o 3 de marzo ‘A semana do teu Comercio’, unha campaña organizada pola Dirección Xeral de Comercio da Xunta para render homenaxe aos centros comerciais abertos e aos seus establecementos tradicionais mais lonxevos.
No caso do Centro Comercial Aberto de Ribadeo o elixido foi Xoiería Carreira, un clásico da vila, que botou a andar no ano 1932. A día de hoxe a empresa segue en mans desta saga familiar. A tenda estivo ubicada sempre na rúa Reinante, primeiro no nº 7 e desde o ano 2004 no nº 4. Xoiería e óptica compartiron local durante 63 anos ata 1995. Nese momento a familia Carreira abriu un novo local tamén na rúa Reinante, 15, adicado en exclusiva á graduación da vista e ao despacho de gafas graduadas e de sol, lentes de contacto, aparatos ópticos, audífonos, etc.
Jesús Carreira González, Jesús Carreira Braña, Mª Concepción Alonso e Lucía Carreira Alonso son os membros das tres xeracións dun dos establecementos comerciais con máis historia de Ribadeo. Xoiería Carreira continúa, despois de 80 anos, coa venda de xoias e reloxos das máis variadas marcas, así coma as últimas novidades en prata e aceiro.
A reportaxe íntegra do Centro Comercial Aberto de Ribadeo e de Xoiería Carreira pode verse na seguinte páxina web http://www.portaldocomerciante.blogspot.com.es/.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
