O ex–xogador internacional do RC Deportivo de La Coruña, Fran González, recibirá unha homenaxe do CD Burela FS Pescados Rubén o sábado pola súa traxectoria. “Vestirei de curto, que é como máis cómodo me sinto” admite Fran, que compartirá unha sesión en Vista Alegre co alumnado laranxa e doutros puntos da comarca, a partir das 12.45: “O mes máis feliz do ano para min coincide co traballo de base, no Campus Fran, durante o verán. Disfruto moito cos rapaces; o sábado trataremos algunhas nocións de fútbol e fútbol sala e despois divertirémonos cunha pachanga“ explicou o futbolista, que despois tamén protagonizará unha sinatura de autógrafos.
O ex do Superdépor confesouse “especialmente encantado” por converterse en socio honorífico da entidade laranxa, cuxa acreditación lle será entregada coincidindo co Burela FS-FC Barcelona (Vista Alegre, 19.30): “Estou moi agradecido co Burela FS. É unha marabilla que se acorden de un sempre, pero este recoñecemento ten un significado especial. Os meus comezos estiveron no fútbol sala, un deporte ao sempre lle tiven respecto e cariño, que ademais considero a base do futuro do fútbol”.
Esta non será a primeira visita de Fran á Mariña. “Dende hai dous ou tres anos coñezo moi ben Galicia, percorrín moitos centros de ensino cun ciclo informativo de Deporte e Alimentación. Non obstante, a xornada do sábado en Burela poderei dar un paso máis, compartir cos rapaces o deporte, estar na pista” explicaba Fran.
Apoio ao Dépor
Ante a difícil situación que atravesa o Dépor, Fran lanzou unha mensaxe de apoio, agradecendo a resposta da afección. “A situación do club é límite, tanto económica coma deportivamente. Dentro dun par de semanas coñecerase a débeda real e o posible plan de viabilidade. Teremos que estar todos xuntos parar axudar e que o equipo se manteña en Primeira; aí é onde pode estar a salvación. A afección está dando unha lección de fortaleza e fe e todos os veteranos do Deportivo tamén estamos aí, xa o dixemos mil e unha veces, para o que se precise”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
