Os laranxas continúan coa mirada fixa na segunda praza. O obxectivo da 23ª xornada de Terceira estará na pista do Leis Pontevedra, noveno clasificado (35 puntos). O Burela FS Pescados Rubén B (42 puntos) intentará darlle continuidade ao ronsel positivo de resultados mañá, a partir das 17.00 horas, para seguir pelexando pola escalada no podio.
“Estamos nun bo momento e temos que aproveitalo se queremos seguir loitando pola segunda praza” aseguraba Lucas do seu equipo, que suma as catro últimas citas sen coñecer a derrota. O técnico laranxa identificou a experiencia como a gran arma do rival, que vén de dar a sorpresa a domicilio ante o líder, O Esteo (1-4): “É un equipo moi serio, que sabe facer as cousas ben. A experiencia de Honra de Raúl Jiménez deixa pegada. Na primeira volta xa nos custou moito; xogando na casa tan só puidemos acceder ao empate 2-2” analizaba Lucas.
Manu e Aarón, que continúan recuperándose de senllas escordaduras de nocello, serán as únicas baixas dos mariñáns.
Dende a segunda praza, o Pazos de Borbén (43) recibirá o Eypar, na penúltima posición. Perseguindo o podio, Ventorrillo (41) mídese a 5Coruña FS (7º, 37) e A Fuga Xove (40) visita o IES Coruxo (6º, 38).
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
