Para o BNG de Barreiros os orzamentos presentados polo goberno popular o pasado luns son malos no seu conxunto para as veciñas e veciños de Barreiros. Por esa razón, explican os nacionalistas o seu voto en contra. “Os orzamentos presentados reflicten como o goberno do Partido Popular carga os gastos do concello sobre a veciñanza, xa que o groso dos ingresos provén de taxas, impostos e prezos públicos. Como exemplo, podemos ver o Imposto de Bens Inmobles, que desde o ano 2011 a contía da súa recadación incrementouse en máis dun 200%.”
“No pleno anterior tratouse un escrito dunha asociación veciñal no que se pedía a revisión das taxas e dos impostos. Coa elaboración dos orzamentos era o momento para ter en conta esas reclamacións e, na medida do posible, modificar esas cuestións. Pero unha vez máis, Alfonso Fuente e o seu equipo gobernan de espaldas á xente e tamén aos grupos da oposición, xa que nin sequera convocou a Comisión de Contas que, se ben non é obrigatoria, si que o é a súa existencia. Pero pola vía dos feitos, estase a inutilizar a súa existencia. Deste xeito, demóstrase unha vez máis que o Partido Popular goberna de costas á xente”, explican os nacionalistas.
Pero ademais, o máis grave, explican desde o BNG, é que “eses impostos non se reflicten en inversións que vaian mellorar a calidade de vida das e dos barreirenses. Por exemplo, neste ano, non se contempla nin un euro para o mantemento e arranxo de vías o que, tendo en conta o estado da rede viaria, é algo sorprendente.”
“Isto enténdese se analizamos os gastos pormenorizadamente, xa que unha vez máis pódese observar un gasto en persoal de preto do 50% do orzamento real (os 3.300.000 euros dos que fala o propio Alcalde unha vez retirada a parte que se contempla para facer fronte ao convenio) e vemos como o feito de ter aprobado o plan de axuste para pagos a provedores supón uns gastos mensuais de máis de 12.000 euros.”
Polo tanto, conclúen os nacionalistas, “mentres o apartado de ingresos é practicamente a costa das aportacións das veciñas e dos veciños, o apartado de gastos non reflicte as inversións precisas para manter unha calidade de vida ás e aos barreirenses. Por esta razón, o BNG non pode apoiar uns orzamentos feitos de costas á cidadanía.”
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
