O voceiro provincial socialista, Manuel Martínez, avanzou hoxe que a Deputación ofrece gratis ós Concellos asesoramento xurídico para esixir á Xunta que asuma as súas competencias en materia de emerxencia. A institución provincial pon en marcha esta nova liña de cooperación tendo en conta que os municipios lugueses leven meses esperando a que o Goberno galego solvente as emerxencias provocadas polos últimos temporais. Por exemplo, en Ourol segue pechado un vial municipal por desprendementos de terra e en Mondoñedo unha familia está illada dende o 16 de decembro ó non ter acceso a súa vivenda. Ante a extrema situación destes veciños da localidade mindoniense de Pausalido e “o abandono do Executivo de Feijóo”, a Xunta de Goberno Provincial aprobou hoxe adiantar 33.000 euros ó Concello, orzamento que posteriormente deberá devolver á Deputación, para que de xeito inmediato execute as actuacións que despexen os vías locais desta zona.
Martínez adiantou que a institución luguesa remitiu unha carta ó Goberno galego, esixíndolle que cumpra a Lei de Emerxencias, que di “corresponde a la Xunta de Galicia la xestión de las emergencias que superen los medios de respuesta de que disponen las entidades locales”, asumindo polo tanto as súas competencias nesta materia. Na carta, a Deputación comunica á Xunta que a súa “desidia” xa obrigou ó organismo provincial a habilitar unha liña de financiamento a Mondoñedo para “evitar a dramática situación” da familia de Pausalido, ó tempo que lle informa que pon a disposición dos municipios os servizos xurídicos provinciais para que tomen as medidas oportunas no caso de que, eludindo a Lei, o Executivo autonómico sega sen xestionar as emerxencias en Lugo.
“A Xunta sae moi cara ós lucenses”
“Isto é un exemplo máis do cara que lles sae a Xunta ós lucenses. Non cofinancia servizos sociais e emprego como si fai noutras provincias. Mantén bloqueado o proceso de transferencias de estradas dende 2009, obrigando ós lucenses a pagar máis de 500.000 euros pola conservación dunhas vías que debía manter ó Goberno galego. Tampouco limpa as árbores ás marxes dos viales como establece a Lei, provocando que máis do 50% dos incidentes na rede viaria provincial sexan por ramas. A Deputación tivo que cortar árbores a menos de 1 metro da estrada e a Xunta sancionou ó organismo provincial. Nin fan nin deixan facer”, sentenciou o voceiro socialista.
Pausalido
A Deputación ingresará os 33.000 euros ó Concello de Mondoñedo o luns polo que o municipio poderá contratar e executar as obras en Pausalido de xeito inmediato. Estas consistirán na retirada do material acumulado nas vías municipais e na construción dun muro de escolleira para que esta situación non se repita. Rematados os traballos, a entidade local terá un prazo de 3 anos para devolver este presuposto ó organismo provincial. Martínez explicou que esta liña de financiamento é a única fórmula de colaboración que pode ofrecer a institución luguesa ó non ter as competencias na materia. Tendo en conta que a Xunta, administración galega que por Lei debería asumir estas obras, non actuou, a Deputación aprobou pola vía de urxencia esta axuda, priorizando a situación da familia de Pausalido, sen accesos viarios a súa vivenda. Por este motivo, nos últimos tres meses, o Concello puxo a súa disposición dúas persoas que recollen a unha cativa, ás oito da mañá, cun tractor e un todoterreo, para levala á parada do autobús escolar máis próxima. Pola tarde, volven a recollela. Ademais, encárganse de levar á vivenda o que necesiten, dende comida ata material para atender a explotación gandeira.
Plan de Comunidades Veciñais para 2013
Martínez avanzou que nos vindeiros días a Deputación porá en marcha o Plan de Comunidades Veciñais para 2013. O organismo provincial está a piques de resolver en tempo récord as obras da anterior programación. Hoxe a sesión aprobou as contas de 9 actuacións en 8 Concellos, dotadas de 82.000 euros que a institución luguesa aforrou ós seguintes municipios ó asumir a totalidade dos custes: Corgo, Guntín, A Fonsagrada, Navia de Suarna, Pantón, Portomarín, Rábade e Ribadeo. Con estes traballos, a Deputación remata con 204 obras das 231 deste Plan, á espera de recibir a xustificación das 28 restantes.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
