O Concello de Ribadeo inicia en abril o curso preparatorio para o Celga 2

As persoas preinscritas deben presentar antes do 8 de abril a solicitude para poder concorrer a esta proba, previo pago da taxa correspondente.

Ribadeo, 20 de marzo de 2013. O Concello de Ribadeo iniciará o vindeiro mes de abril o curso preparatorio para o exame do CELGA 2.

Desde a Concellaría de Desenvolvemento Local sinalan que “o Concello vendo as necesidades das persoas que acoden ao servizo de Desenvolvemento Local, estimou oportuno facer a solicitude da celebración na vila do curso preparatorio para a obtención do CELGA 2 (certificado da lingua galega), e así aumentar as posibilidades dunha busca de emprego máis eficaz para os veciños/as. Feita a petición á Consellería de Cultura, Educación e Ordenación Universitaria, esta resolveu conceder o financiamento dun profesor ou profesora que o imparta”.

O curso comezará a impartirse no vindeiro mes de abril. O exame do CELGA 2 celebrarase o 2 de xuño.

A Concellaría de Desenvolvemento Local indica que “todos aqueles que se pre inscribiron para poder asistir ás clases deben de entregar en calquera dos rexistros de entrada habilitados aos efectos, antes do día 8 de abril, a solicitude para poder examinarse, pagando a correspondente taxa. De non facelo así non poderán acudir ao exame de xuño que convoca a citada Consellería”. E tamén lles lembra que “a asistencia ao curso non implica o poder examinarse si antes non se fai a solicitude para acudir á proba”.