Foz a 22 de marzo de 2013.- O BNG levará ao próximo pleno unha moción de rexeitamento ao anteproxecto de Lei de reforma da administración local, aprobado o pasado 15 de febreiro polo Goberno central, porque pretende mudar de xeito substancial o papel dos concellos, cun maior impacto nos de menor tamaño, que son a ampla maioría en Galiza.
A intención prioritaria desta reforma do réxime local é reducir e adelgazar o ámbito de actuación dos concellos, cun recorte severo dos servizos que prestan, e reforzar a institución provincial que é o ente máis prescindíbel do entramado institucional actual. É unha limitación antidemocrática para os concellos que teñan vontade de exercer a través da iniciativa pública tanto o reforzo de servizos públicos como o estímulo de actividades económicas locais porque estarán obrigados por esta lei a transferir ditas competencias a outros organismos provinciais ou autonómicos. Establece que no prazo dun ano os concellos deberán traspasar por completo as súas competencias de servizos sociais ás autonomías, e en cinco anos, as sanitarias. O traspaso non virá acompañado de nova dotación de fondos, polo que a reforma podería aumentar aínda máis os recortes orzamentarios que se produciron en materia de financiamento local todos estes anos.
Para o BNG esta lei é moi perniciosa porque introdúcense mecanismos que abocarán ao deterioro, e mesmo supresión, de prestacións e servizos públicos básicos dos concellos, afectando directamente á veciñanza, sobre todo ás persoas con menos recursos. Como consecuencia, un gran número de postos de traballo veranse afectados coa destrución de moitos empregos públicos porque pasarán estes servizos a estar contratados con empresas do sector, como en gran medida xa estaba pasando en Concellos coma os de Foz. É dicir, favorecerá aínda máis a privatización dos servizos públicos.
Ademais, esta reforma reforza o centralismo político e administrativo, pois deseña un réxime xurídico e organizativo homoxéneo dos concellos galegos cos do resto do Estado, a pesar das fondas diferenzas en canto ao modelo de asentamento e organización territorial. Desde o nacionalismo galego sempre se tivo unha visión crítica coa articulación legal e administrativa centralista, por ser allea á realidade de Galiza. Con estas medidas, moi calculadas, péchase calquera posibilidade de que Galiza deseñe un mapa local acaído á súa realidade e que regule sobre a organización, as funcións e competencias das entidades locais, é dicir, quítalle soberanía e capacidade de decisión ao noso pais.
A reforma consagra a máis absurda duplicidade do actual mapa institucional no Estado español, que é a persistencia das deputacións provinciais, que sairán reforzadas á hora de asumir servizos municipais, cando o máis lóxico sería afrontar a súa definitiva desaparición. O traslado ás deputacións de determinados servizos locais é un despropósito, pois estes servizos non teñen ningunha base provincial. Sabemos que suprimindo as Deputacións, o aforro podería alcanzar polo menos os 1.000 millóns de euros anuais tan só en Galiza. Esta reforma en lugar favorecer este proceso de eliminación, incrementa extraordinariamente o seu poder.
En suma, estamos ante unha proposta que afondará na homoxeneidade e na capacidade da administración central de intervir na dinámica local, a fin de impor as políticas antisociais e de relegación do papel do sector público a todos os concellos, como continuidade ás reformas regresivas xa aprobadas e ao deterioro democrático.
Por todo isto, o grupo municipal do BNG solicita do Pleno da Corporación Municipal a retirada do Anteproxecto de Lei de Racionalización e Sustentabilidade da Administración Local, unha reforma constitucional que suprima as deputacións provinciais, presentar un plan de financiamento dos concellos, que lles permita custear os servizos públicos locais e unha reforma do réxime local que deixe en mans das Comunidades Autónomas un amplo marxe de regulación sobre a organización, as funcións e competencias das entidades locais, a fin de adaptar o mapa local á realidade de cada territorio co obxectivo de racionalizar o mapa institucional en coherencia cun aproveitamento e administración eficaz dos recursos públicos.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
