Peche do I Festival de Curtas de Alfoz

O pasado sábado 23 rematou o I Festival de Cine de Alfoz coa proxección de dúas películas feitas no Val. En primeiro lugar proxectouse o filme “El Hijo del Viento”, protagonizada por Toño Vizoso e Rocío Souto, con dirección de Rubén García. Logo foi a quenda do filme “Malos tempos”, realizado no IES Alfoz Valadouro. Reuníronse actores, guionistas, etc. de ambos filmes, que compartiron un pequeno coloquio previo á proxección. A presentación correu a cargo de Matías Nicieza. Así, rematou este primeiro festival de cine de Alfoz. O Seminario de Estudos do Valadouro, organizador do evento, agarda poder darlle continuidade en vindeiras edicións.