Lugo, 25-03-2013 – O Grupo Provincial Popular vén de presentar un escrito no que solicita acceso ao expediente da obra Riotorto.-Marco de Álvare – As Rodrigas, P.K. 0.000 /5.800, co obxecto de comprobar cada unha das certificacións e pagos emitidos pola Deputación Provincial de Lugo relativos á citada obra.
Con esta xestión, dende o Grupo Provincial do Partido Popular queren estudar cada unha das certificacións emitidas por parte do ente provincial; así como constatar cales foron sufragadas e se os pagos se axustan coas unidades de obra executadas.
Desta forma, os populares están a cumprir co seu compromiso de facerlle seguimento a cada unha das obras sobre as que dende o Grupo Provincial do Partido Popular ve, cando menos, indicios suficientes que levan a sospeitar da existencia de posibles irregularidades en determinados acometidos.
Polo tanto, e tendo en conta as novas publicadas en prensa sobre a piscina climatizada de Monterroso, dende o Grupo Provincial do Partido Popular, en cumprimento do seu deber están a traballar na liña de supervisar todas as obras.
Con este obxecto, os populares non solicitaron soamente acceso as certificacións e pagos; senón a todo o expediente coa inclusión dos proxectos, modificados, actas e informes emitidos tanto pola empresa adxudicataria como pola Deputación de Lugo
Os populares solicitan axilidade nas obras
Tras a resolución do contrato á empresa adxudicataria na Xunta de Goberno do pasado venres, dende o Grupo Provincial Popular esíxenlle ao presidente do ente, José Ramón Gómez Besteiro, que axilice os trámites necesarios e que proceda da maneira inmediata a licitación e adxudicación da obra.
Os populares consideran necesario darlles unha resposta inmediata aos veciños de Riotorto, que están a esperar que remate unha obra dende o ano 2007, data da primeira adxudicación que se resolve no 2010 por demora da Deputación á hora de levar adiante o procedemento pertinente.
Tras adxudicarse de novo no ano 2011, cun prazo de execución de 6 meses, sufriu reiteradas paralizacións, sen ver o veciños hoxe en día respostadas as súas demandas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
