Cervo, 25 de marzo de 2013-O director de Augas de Galicia, Francisco Menéndez, e a delegada da Xunta en Lugo, Raquel Arias, inauguraron este luns a Estación Depuradora de Augas Residuais de Cervo nun acto no que estivo presente o alcalde, Alfonso Villares, a edil de Medio Ambiente, Begoña Alonso e demais membros do goberno local, así como técnicos de Augas de Galicia e da empresa construtora. Villares, Menéndez e Arias foron os encargados de descubrir a placa, un xesto co que se deu por inaugurada oficialmente a instalación.
O rexedor cervense aproveitou a inauguración e a presenza dos representantes do Goberno galego para “agradecer á Xunta de Galicia que promovese e financiase esta obra tan importante para o núcleo de Cervo e que fai posible a mellora da prestación dun servizo público tan importante como é o saneamento”.
A este respecto cabe lembrar que a Consellería de Medio Ambiente, Territorio e Infraestruturas a través do organismo autónomo Augas de Galicia, investiu máis de 1,3 millóns de euros no proxecto de saneamento de Cervo, que incluíu a construción da nova Edar e a instalación de colectores xerais, así como varias melloras na rede de Figuerido. Un importe que financiou ao 100% o organismo autónomo. Ditas instalacións levan funcionando xa dende o ano pasado e dando servizo á veciñanza da localidade.
Durante o acto, enxeñeiros de Augas de Galicia explicaron aos asistentes as características da obra e as súas peculiaridades ao tratarse, no caso da Edar, dun método pioneiro de depuración. Neste sentido o propio mandatario cervense quixo destacar “a calidade e a eficiencia deste equipamento hidráulico impulsado por Augas de Galicia” referíndose ao sistema de depuración ecolóxica da Edar, que funciona a través dun filtro de plantas acuáticas en flotación. Unhas plantas macrofitas que absorben os elementos contaminantes que quedan na auga despois do pretratamento.
“Un método sostible, que contribúe a aforrar enerxía e que permite que a auga que se verte ao río Xunco cumpra os niveis esixidos polas directivas comunitarias e dea resultados óptimos de depuración” explica Villares. En canto á capacidade desta depuradora, está proxectada para unha poboación de 1.500 persoas, polo que se pensou nun posible crecemento demográfico e tamén en dar resposta ao incremento da poboación que se rexistran nas épocas festivas e de vacacións.
En canto aos colectores xerais de saneamento, instaláronse máis de 1.000 metros de tubaxes independentes para a recollida de augas pluviais e outros 1.000 metros para residuais. Deste xeito, a auga que se recolle da chuvia discorre por unha canalización mentres a auga procedente dos fogares discorre por outra. “Esta separación ten o obxectivo de minimizar o risco de inundacións que se veñen producindo nos últimos anos” engade Villares.
Máis de 3,1 millóns en saneamento
Ao mesmo tempo, o rexedor quixo lembrar que nestes momentos continúan executándose as obras de construción do emisario submarino da depuradora de San Cibrao, cun orzamento de 1,8 millóns de euros que financia ao completo o Goberno autonómico. Este equipamento de saneamento é moi necesario e del está pendente a posta en marcha da Edar de San Cibrao. “Só con estas dúas obras queda máis que clara a implicación e o compromiso da Xunta de Galicia cos servizos básicos e fundamentais de Cervo e nos que, en total, inviste máis de 3,1 millóns de euros”. O director de Augas de Galicia anunciou hoxe que o emisario estará rematado previsiblemente a mediados de 2013.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
