O pasado sábado comezaron na basílica de San Martiño os actos que a entusiasta Confraría do Desencravo programa para a Semana Santa, co pregón a cargo de César Andrade, fillo do lugar, popular e querido, a quen todos chamamos Saros. Acaban de cumplirse 50 anos que o lugareño deixou o recuncho natal para abrirse paso na vida, que pasou por unha etapa de destacado fútbolista, alineando no C.D. Foz, en 3ª División, a media Saros-Leitón, seu grande amigo. Foi a morte deste, o sentimento que fixo agromar a súa vea poética, dedicándolle un doorido poema, que remata así: “…e foi tan grande a pena miña/ que a naide o pésame lle din/ pois pensei, cheo de morriña/ ¿quén me da o pésame a min?”, co que inicia o libro “Un garabelo de contos”, publicado en 1987. A pesar da longa ausencia nunca esqueceo o berce, os lugares, as súas xentes, nen os latexos vitais que encheron de contido os seus primeiros vintecinco anos; e o sábado pasado, pregoeiro, tivo a oportunidade de revivir os tempos da nenez que en boa medida marcan a vida das persoas e quedan gravados con trazos indelebles no mais fondo do ser; feito universal que fixo decir ó poeta Rainer M. Rilke: “ a nenez é a verdadeira e única patria do home”. Dende o altar maior da igrexa, mais que milenaria, da que é entusiasta e fiel admirador, vivíu a emocionada xornada no entorno do que para nós é a quintaesencia dunha Pascua que, allea a boatos e multitudes, encerra os mais outos valores intrínsicos da sua significación: o auténtico, a xenerosidade, a solidaridade, a convivencia…; virtudes que reflicte a Semana Santa de San Martiño co modélico proceder da pequena comunidade que aúna vontades e esforzos que permiten acadar os fins comúns; todo un exemplo. Tras o pregón, moi aplaudido, a esperada actuación da Coral de Foz que, unha vez mais. inundou o espacio coas súas magníficas voces, hábilmente adestradas pola directora Carmen Alonso, nesta ocasión sublimadas polo armonio da xove María Galdón, tamén filla do lugar, e rematou coa clásica galega, tan propia para o momento, “Negra Sombra”. Os nosos parabéns.
Suso Fernández
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
