O profesor da entidade impartirá clases gratuítas a todos aqueles que desexen probar o xogo
O Club de Golf Lugo celebrará este sábado, 30 de marzo, a súa segunda xornada de portas abertas co obxectivo de invitar a todos os interesados no golf a coñecer as súas instalacións e as múltiples posibilidades que ofrece.
Tras unha primeira experiencia similar o pasado sábado, durante a xornada do día 30 está previsto que os visitantes teñan unha segunda oportunidade para coñecer tanto as dimensións e peculiaridades do campo de golf lucense, como os servizos auxiliares e algunhas das actividades que se realizarán no centro a partir do mes de abril, cando comece a temporada de torneos. A presentación da programación que levará a cabo a nova directiva realizarase durante a primeira quincena de abril pero os interesados en asistir poderán coñecer un avance durante estas dúas sesións.
Ademais, esta prevista a celebración de varias clases prácticas ao longo do día, nas que os visitantes poderán probar a súa pericia cos paus e coñecer desta forma a metodoloxía de ensinanza que se segue no club para os distintos grupos de idade, xa que se imparten clases a partir de 5 anos sen límite de idade. O profesor do club, profesional deste deporte, será o encargado de dirixir as clases de proba nas que poderán participar tantos os xa iniciados como aqueles para os que sexa a súa primeira vez.
Beneficios
O golf está considerado un dos deportes máis saudables, sendo apropiado para todas as idades. A súa práctica contempla o recorrido de entre 6 e 9 quilómetros, polo que é unha práctica moi recomendable en especial para o colectivo da terceira idade polos seus beneficios cardiovasculares.
Contrariamente ao que se cre, trátase dun deporte moi técnico no que a psicoloxía é o 70 por cento, polo que se aconsella tamén para o desenrolo mental dos nenos. De feito, o Club conta co seu propio club infantil no que nenos a partir dos cinco anos poden aprender o deporte e participar en distintas actividades e campionatos.
Inscrición
O Club de Golf Lugo mantén aberto o seu proceso de inscrición e quere animar a todos os lucenses a visitar as súas instalacións e ter unha experiencia coa práctica dun deporte que cada día aumenta o seu número de aficionados. Os interesados en asegurar o horario de clase poden contactar co club a través do número de teléfono 982 17 63 14.
O actor e humorista continuará a súa xira pola comarca e presentará esta mesma proposta en Burela o venres 27 de marzo, ás 21:00 horas, na Casa da Cultura. O monólogo combina imaxes e historias, con contidos novos e outros xa coñecidos, sempre cun humor moi persoal. A función está recomendada para maiores de 14 anos e as entradas, a 5 euros, poderán adquirirse no despacho de billetes desde unha hora antes. O evento conta coa colaboración do Concello de Burela, a Xunta de Galicia, a Agadic e a Rede Galega de Teatros e Auditorios.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
López agradeceu á Academia Galega do Audiovisual por escoller Lugo e destacou a importancia do evento para visibilizar o talento local e o apoio provincial ao sector. A gala contou cunha ampla representación lucense: Nuno Pico e Xaime Miranda polo videoclip Antes fun moi malo; Fran Fórneas e Sergio Marey por Ferido do Xoán; Sabela Ramil e Andrea Mesa por Non cho podo dar; o dúo Fillas de Cassandra; e o burelés Breixo Llano, do equipo de Cos pés na terra. Ademais, a película Sirāt, do naviego Oliver Laxe, foi unha das grandes favoritas con 14
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
Habilitarase o Rego das Flores. Desde o Concello recoméndase á cidadanía ter en conta esta incidencia nos seus desprazamentos mentres se manteña a restrición.
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
Será un concerto acústico e intimista, pensado para gozar da súa música nun formato próximo. Entrada libre ata completar aforo.
