Viva a Terceira República

Por Otero Regal

Artigo 1. España é unha República democrática de traballadores de toda clase, que se organiza en réxime de Liberdade e de Xustiza. Os poderes de todos os seus órganos emanan do pobo

Artigo 2. Todos os españois son iguais ante a lei

Artigo 6. España renuncia á guerra como instrumento de política nacional

Artigo 7. O Estado español acatará as normas universais do Dereito internacional, incorporándoas ao seu dereito positivo

Artigo 11. Se unha ou varias provincias limítrofes, con características históricas, culturais e económicas, comúns, acordasen organizarse en rexión autónoma para formar un núcleo político administrativo, dentro do Estado español, presentarán o seu Estatuto

Nese Estatuto poderán solicitar para si, na súa totalidade ou parcialmente, as atribucións que se determinan nos artigos 15, 16 e 18 desta Constitución, sen prexuízo, no segundo caso, de que poidan solicitar todas ou parte das restantes polo mesmo procedemento establecido neste Código fundamental

Unha vez aprobado o Estatuto, será a lei básica da organización político administrativa da rexión autónoma, e o Estado español recoñeceraa e amparase como parte integrante do seu ordenamento xurídico

Artigo 25. Non poderán ser fundamentos de privilexio xurídico: a natureza, a filiación, o sexo, a clase social, a riqueza, as ideas políticas nin as crenzas relixiosas. O Estado non recoñece distincións e títulos nobiliarios

Artigo 26. Todas as confesións relixiosas serán consideradas como Asociacións sometidas a unha lei especial

O Estado, as rexións, as provincias e os Municipios, non manterán, favorecerán, nin auxiliarán economicamente as Igrexas, Asociacións e Institucións relixiosas.

Quedan disoltas aquelas Ordenes relixiosas que estatutariamente impoñan, ademais dos tres votos canónicos, outro especial de obediencia a autoridade distinta da lexítima do Estado. Os seus bens serán nacionalizados e afectados a fins benéficos e docentes

Artigo 43. O Estado prestase asistencia aos enfermos e anciáns, protección á maternidade e á infancia, facendo súa a “Declaración de Xenebra” ou táboa dos dereitos do neno.

Estivera vendo un reportaxe encol do 14 de Abril, data da constitución da segunda república da que este ano fixo 78 anos, e soñaba con a terceira, coa bandeira roxa amarela e morada, coa festa e con un pais ideal…e plaf caín da cama e despertei…estaba nunha monarquía, pero que carallo, berrei VIVA A REPÚBLICA CABRÓNS