– É unha dobre convocatoria da 3ª edición das xornadas celebradas anteriormente cun enorme éxito e nas que moitos profesionais quedaron en lista de espera.
– En Lugo, un 25% dos profesionais contan con cans desta raza para as labores de pastoreo, cuxo uso está moi estendido en España, especialmente nos Pirineos.
– O experto Alejandro Ibarre Artus impartirá este curso, que conta con 20 prazas dispoñibles. Información en 660 541 534 ou en victordagrelo@hotmail.com.
A Deputación de Lugo volve convocar unha nova edición do curso de adestramento de cans da raza Border Collie para tarefas de pastoreo, motivado pola gran demanda e éxito que acadaron as dúas edicións celebradas en Cospeito e A Fonsagrada o pasado ano e nas que máis de 20 gandeiros da provincia acudiron cos seus cans para recibir formación específica en pastoreo, algo que debe comezar, segundo os expertos, entre os 5 e os 10 meses de idade do can.
A raza Border Collie está especialmente indicada para o pastoreo de gando, polas súas peculiaridades aptitudes xenéticas que facilitan enormemente o traballo de gandeiros, permitindo que un pastor acompañado dun só can poida dirixir rabaños de ata 700 animais. Na provincia de Lugo, aproximadamente un 25% dos gandeiros conta con cans desta raza para labores específicas de condución do gando.
Nesta ocasión, é ante o gran número de peticións recibidas, está organizada unha dobre convocatoria que se celebrará en Cospeito os días 13 e 14 de abril. Cada un destes días serán 10 os gandeiros que tomarán parte neste curso de carácter eminentemente práctico e que se desenvolverá de 9:30 a 13:30 horas pola mañá e de 15:00 a 19:00 horas pola tarde. Tamén se proxectarán vídeos explicativos das diferentes técnicas empregadas polos expertos para pastorear con esta raza de cans segundo as características o terreo, dos animais do rabaño ou ben do propio can. Os participantes recibirán copias dos mesmos para completar os coñecementos recibidos.
O encargado de impartir este curso será novamente o experto navarro Alejandro Ibarra Artus. Os interesados poden obter máis información no teléfono 660 541 534 ou en victordagrelo@hotmail.com.
O mozo ciclista continúa a demostrar o gran nivel desta tempada, na que suma xa un primeiro posto e un terceiro nas últimas probas das Escolas de Ciclismo da Federación Galega. Uns resultados que reflicten o seu esforzo, constancia e paixón polo deporte. O Concello tamén quixo poñer en valor o traballo do club Medela MTB, pola súa aposta pola formación e polo deporte base, acompañando aos máis novos no seu crecemento deportivo e persoal. Desde Cervo trasladan os parabéns a Mateo e á familia Medela, e destacan o orgullo polos éxitos e pola excelente tempada que están a realizar.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
