Só o equipo cadete mantén o tipo en canto a resultados se refire dos equipos base do Club Deportivo Foz. Nin infantís nin xuvenís sacaron resultados positivos nos seus respectivos encontros desta fin de semana. Así, os INFANTÍS que dirixe Burunda volveron a perder outro encontro na Liga Galega. O infortunio cebouse cos focegos que durante o partido, perderon os dous porteiros por lesión e tivo que ser Iñaki quen ocupara a portería. O resultado final foi de 3-0, aínda que hai que suliñar que se contou con varias ocasións de gol durante o encontro. O próximo partido desta categoría será o vindeiro sábado ante a Residencia de Lugo, último clasificado.
Pola súa parte os XUVENÍS de Amarelo caeron polo mesmo resultado que os infantís (3-0) no campo da Mina na Pontenova.
E xa para rematar os CADETES sí gañaron como de costume, esta vez ante o Sarria por 4-0. Outro mal e aburrido partido dos pupilos de Oke, que só a súa superioridade física e técnica lles chega para gañar os encontros. Pero moito teñen que cambiar as cousas para a fase de ascenso para poder superar as eliminatorias, xa que se ve un equipo anárquico e sen patrón de xogo, onde cada quen fai a guerra polo seu lado deixando o xogo de equipo no vestiario. A vindeira xornada si se gaña en Lugo ante o Polvorín proclamaranse campións provinciais.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
