Burela, 23 de abril de 2013. A décima quinta edición da feira náutico pesqueira Expomar preséntase mañá, 24 de abril, en Santiago. O acto estará presidido pola conselleira de Medio Rural e Mar, Rosa Quintana, segundo anunciaba esta mañá o alcalde de Burela, José Mª González Barcia.
O rexedor dixo que “mañá, mércores, vai ter lugar na Galería Sargadelos, en Santiago de Compostela, a presentación da décimo quinta edición da feira monográfica náutico pesqueira Expomar, que organiza a fundación do mesmo nome. Este acto é xa o arranque da propia feira en si, porque a partires de agora se trata de divulgar ao máximo posible a feira para que sexa un éxito, que é o que todos esperamos”.
González Barcia indicou que “tendo en conta que a feira volve repetir practicamente o mesmo número de expositores e de firmas que hai dous anos desde o Concello estamos seguros de que pode ser un éxito rotundo. Na propia feira en si en canto a transaccións comerciais e como atractivo turístico nunha fin de semana onde, se as previsións meteorolóxicas son óptimas, evidentemente pode vir moitísima xente doutros puntos distintos aos da comarca da Costa lucense”.
A presentación vai ter lugar mañá, mércores, ás 5 da tarde na Galería Sargadelos e vai estar presidida pola conselleira de Medio Rural e Mar, Rosa Quintana Carballo. “Para nosoutros evidentemente é unha honra que a propia conselleira se digne a presidir a presentación ante os medios informativos na capital de Galicia deste evento polo que significa de apoio da propia consellería e da Xunta a un evento que é un dos máis importantes no seu ramo dentro da nosa comunidade autónoma”, sinalou o alcalde burelés.
No acto de mañá en Santiago van estar presentes os distintos representantes dos organismos que forman parte do padroado da Fundación Expomar. “Así contamos coa presenza do patrón maior da confraría de pescadores, de representantes de Armadores de Burela e tamén da Organización de Produtores Pesqueiros, da propia Xunta de Galicia no que se refire á Consellería de Medio Rural e Mar en canto á súa presenza aquí, na Mariña; e, por suposto, tamén daquelas entidades que dun xeito ou doutro tamén forman parte ou colaboran coa Fundación Expomar, como por exemplo Armón ou a Autoridade Portuaria Ferrol-San Ciprián”, engadiu González Barcia.
O rexedor adiantou que “xa posteriormente se vai facer a presentación aquí, en Burela, en data que está sen decidir, e máis adiante faremos unha presentación aos medios informativos da capital lucense, tentando atraer xente desde esa perspectiva turística que dicía eu que ten tamén a propia feira”.
E rematou sinalando que “practicamente están concluídos os programas das dúas xornadas técnicas e dos encontros profesionais, programas que se farán públicos a ser posible incluso mañá mesmo, aproveitando a presenza de Rosa Quintana Carballo, conselleira de Medio Rural e Mar, nesta presentación ante os medios informativos da capital de Galicia”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
