O PP de Viveiro afirma que a autovía do Cantábrico ó seu paso pola Mariña estará rematada a finais destes 2013

O pasado sábado, representantes do BNG anunciaban que solicitarán ó Ministerio de Fomento a finalización dos tramos da A-8 ó seu paso pola Mariña de maneira urxente.

Desde o Partido Popular alegrámonos da preocupación do BNG pola que sen dúbida é a infraestructura máis importante para a nosa comarca, pero lamentamos que non se preocuparan tanto durante os máis de sete anos de goberno do PSOE, cando o BNG aprobaba cos seus votos os presupuestos dos Srs. Zapatero, Rubalcaba e Blanco e a A-8 acumulaba retraso tras retraso coa complicidade dos nacionalistas, ou cando o BNG daba o seu apoio a Dª. Magdalena Álvarez, ministra socialista de fomento que se referiu ó máis ambicioso proxecto de infraestructuras da historia de Galicia como “Plan Galicia de mierda”, e a Autovía do Cantábrico estaba incluída no Plan Galicia.

Os populares queremos poñer de manifiesto que actualmente, trala apertura ó tráfico o pasado ano do tramo Lourenzá-Mondoñedo e dous máis en Asturias, a obra ten pendente de finalización dous tramos ó seu paso pola nosa provincia: Mondoñedo-Lindín e Lindín-Carreira que están executados nun 80%, restando polo tanto únicamente un 20% para a súa finalización, que está prevista para finais deste ano 2013. Este é o compromiso da Sra. Ministra de Fomento Dª. Ana Pastor -filla de Viveirense- coa Mariña, coa provincia de Lugo e con Galicia. En definitiva, en dous anos escasos o Goberno do Partido Popular finalizarase o que outros non foron capaces de facer en máis de sete.

Para facerlo posible, o Gobierno realizou un importantísimo esforzo económico, que ascende a máis de 60 de millóns de euros en pouco máis dun ano, e iso pese ás gravísimas circunstancias económicas que se atopou o Partido Popular ó chegar ó Goberno, que só no Ministerio de Fomento acumulaba débedas por un importe superior a 40.000 millóns de euros.

A este importantísimo esforzo inversor, habería que engadir o importe correspondente ó pago das expropiacións ós propietarios dos terreos que o anterior goberno socialista deixou sen pagar –máis de 100 millóns de euros en Galicia- e que agora xa foron abonados case na súa totalidade, centos de familias da Mariña que tiveron que agardar ata 7 anos para cobrar o que lles pertence.

Se no ano 2004 foi un goberno do Partido Popular o que puxo a primeira pedra da A-8 será neste ano 2013 outro goberno do Partido Popular o que finalice esta infraestructura na nosa provincia, que sen dúbida se converterá no eixo vertebrador de desenvolvemento futuro da Mariña, da provincia de Lugo e de Galicia.